Iqtisod

Davlat oilaviy tadbirkorlikni qoʻllab-quvvatlaydi

© Sputnik / Ramil SitdikovZona kormleniya korov na ferme
Zona kormleniya korov na ferme - Sputnik Oʻzbekiston, 1920, 21.12.2021
Oilaviy tadbirkorlikni rivojlantirish dasturlari doirasida kreditlar yillik 14 foiz stavkada ajratiladi.
TOSHKENT, 21 dek – Sputnik. “Oilaviy tadbirkorlikni rivojlantirish va aholining daromad manbaini kengaytirishga doir qoʻshimcha chora-tadbirlar toʻgʻrisida”gi prezident qarori qabul qilindi.
Qarorga muvofiq, 2022 yilda oilaviy tadbirkorlikni rivojlantirish dasturlari doirasida: maqsadli jamgʻarmalar hamda Tiklanish va taraqqiyot jamgʻarmasining resurslari banklarga yillik 10 foizda joylashtiriladi.
Imtiyozli kreditlar yillik 14 foiz stavkada:
aholi hamda tadbirkorlarga – 3 oydan 6 oygacha imtiyozli davr bilan 3 yilgacha;
chorvachilik, baliqchilik va parrandachilik uchun – 1 yilgacha imtiyozli davr bilan 3 yilgacha;
bogʻdorchilik, uzumchilik va limonchilik, issiqxona, qishloq xoʻjaligi texnikasi va asbob-uskunalarni xarid qilish uchun – 3 yilgacha imtiyozli davr bilan 7 yilgacha;
“Hunarmand” uyushmasi aʼzolariga – 3 yilgacha hamda aylanma mablagʻlarni toʻldirish uchun 18 oygacha ajratiladi;
Kreditlar hokim yordamchisining tavsiyasi asosida ajratiladi.Chorvachilik uchun kreditlar kamida 10 dan 50 boshgacha chetdan keltirilgan naslli chorva mollarini boqish uchun kichik fermalarni tashkil etishga beriladi.
“Yetakchi” tadbirkorlarga dehqon xoʻjaliklari yer maydonlari va aholi tomorqalarida qishloq xoʻjaligi mahsulotlarini kooperatsiya asosida yetishtirish va yetishtirilgan mahsulotlarni xarid qilish uchun aylanma mablagʻlarni toʻldirishga kreditlar ajratiladi.
2022 yil 1 martdan kreditlar toʻliq raqamlashgan holda Oilaviy tadbirkorlikni rivojlantirish dasturlarining yagona elektron platformasi orqali ajratiladi.
Mavzuga oid:
Tomorqa yer egalariga kredit ajratiladi
Kelgusi yilda kambagʻallik va ishsizlikni qisqartirish borasida qanday choralar koʻriladi
Ayrim tadbirkorlarga soliqlarni kechiktirib toʻlash imkoniyati beriladi
Orolboʻyi mintaqasidagi tadbirkorlarga qanday soliq imtiyozlari beriladi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala