Sport

Srechko Katanets koronavirusga chalindi

© Assotsiatsiya futbola UzbekistanaSrechko Katanets
Srechko Katanets - Sputnik Oʻzbekiston, 1920, 12.01.2022
Obuna boʻlish
Yandex newsTelegram
Oʻzbekiston milliy terma jamoasi bosh murabbiyi va futbolchi Hojimat Erkinovda koronavirus aniqlandi.
TOSHKENT, 12 yanv — Sputnik. Oʻzbekiston milliy terma jamoasi bosh murabbiyi Srechko Katanets koronavirus yuqtirib oldi.
Oʻzbekiston futbol assotsiatsiyasi matbuot xizmati xabariga koʻra, Katanets Dubaydagi yigʻinga Sloveniyadan yetib kelishi rejalashtirilgan edi. Biroq bevosita ketish oldidan koronavirusga topshirgan testi musbat chiqqan.
“Shu tariqa, sloveniyalik mutaxassis oʻz yurtida karantin oʻtashga majbur boʻldi. Umid qilamizki, karantin davri tugagach, murabbiyimiz oʻz sogʻligʻini tiklagan holda terma jamoa boshqaruviga qaytadi”, - deyilgan xabarda.
Unga qadar Katanetsning yordamchi murabbiylari yigʻinning boshlangʻich qismida terma jamoani boshqarib turadi.
Shuningdek, Dubaydagi yigʻinga jalb qilingan milliy jamoa aʼzosi futbolchi Hojimat Erkinovda koronavirus aniqlangan. U belgilangan tartibda jamoadan ajratilgan holga karantinda.
Oʻzbekiston milliy terma jamoasi 2022 yildagi ilk oʻquv mashgʻulot yigʻinini oʻtkazish uchun 10 yanvar kuni Dubayga joʻnab ketgan edi.
Yangiliklar lentasi
0