IT tanlovi g‘olibi bo‘lgan samarqandlik o‘quvchi eski noutbuk bilan taqdirlandi – video

© Depositphotos.com / DimaberkutRuki nad klaviaturoy
Ruki nad klaviaturoy  - Sputnik O‘zbekiston, 1920, 17.01.2022
Obuna bo‘lish
8-sinf o‘quvchisi Sardor Sattarov tanlovning ham tuman, ham viloyat bosqichida "Full-Stack web dasturchisi" yo‘nalishi bo‘yicha 1-o‘rinni egallagan.
TOShKENT, 17 yanv — Sputnik. Ijtimoiy tarmoqlarda Samarqand viloyatida o‘tkazilgan "1 million dasturchi" IT tanlovi viloyat bosqichida birinchi o‘rinni olgan o‘quvchiga avval ishlatilgan, eski noutbuk sovg‘a qilingani aytilgan video tarqaldi.
Nurobod tumanidagi 41-umumta’lim maktabining 8-sinf o‘quvchisi Sardor Sattarov o‘zi tanlovning ham tuman, ham viloyat bosqichida "Full-Stack web dasturchisi" yo‘nalishi bo‘yicha 1-o‘rinni egallab g‘olib bo‘lgani, lekin unga avval ishlatilgan eski noutbuk sovg‘a qilinganini aytgan.
O‘zbekiston regionlarida IT-texnikumlar faoliyati yo‘lga qo‘yiladi
U namoyish etgan noutbukning orqa tomonidan "2-m. A.Abdumurodova" degan yozuvlar tushirilgan. O‘quvchi buni 2-maktabga tegishli noutbuk deya tushuntirgan. Noutbukka o‘rnatilgan dasturlar ham o‘chirilmagan. U yerdagi Telegram messenjerini ishga tushirgan o‘quvchi noutbukni avval Sherzod Jo‘raqulov degan inson (o‘qituvchi) ishlatganini aniqlagan.
Shuningdek, 1-o‘rinni egallagani o‘quvchiga 3-darajali diplom berilgan.
Nurobod tumani hokimligi axborot xizmati bu holatga munosabat bildirdi.
Ta’kidlanishicha, 6-yanvar kuni Nurobod tumanidagi umumta’lim maktablarining 7-11-sinf o‘quvchilari o‘rtasida “Bir million o‘zbek dasturchilari” loyihasi asosida “IT-TANLOV”ning tuman bosqichi bo‘lib o‘tgan.
Unda 41-maktab 8-sinf o‘quvchisi S.Sattarov faxrli birinchi o‘rinni olib, tuman hokimligining faxriy yorlig‘i hamda “Realme C11” telefoni bilan taqdirlangan.
O‘zbekistonda IT sohasi bo‘yicha 100 mingga yaqin mutaxassis tayyorlanadi
Mazkur holat yuzasidan hokimlik tomonidan ishchi guruh tuzilib, dastlabki o‘rganish ishlari olib borilmoqda.
Ta’kidlanishicha, o‘rganish natijalari bo‘yicha qo‘shimcha ma’lumotlar beriladi.
Yangiliklar lentasi
0