Jamiyat

Oʻzbekistonda koronavirus bilan kasallanish rekord darajaga yetdi

© Sputnik / Ilya Pitalev / Fotobankka oʻtishLecheniye bolnыx s COVID-19 v GKB №52
Lecheniye bolnыx s COVID-19 v GKB №52 - Sputnik Oʻzbekiston, 1920, 17.01.2022
Obuna boʻlish
Yandex newsTelegram
Mamlakatda pandemiya boshidan buyon rekord darajadagi kovid bilan kasallanish aniqlandi.
TOSHKENT, 17 yanv — Sputnik. Kecha, 16 yanvar kuni Oʻzbekistonda 1037 kishida koronavirus aniqlandi.
“Kunlik koʻrsatkich 1000 dan oshib, pandemiya boshidan buyon rekord darajaga yetdi”, - deyiladi Sogʻliqni saqlash vazirligi xabarida.
Kecha aniqlangan kasallanishlar hududlar kesimida:
Qoraqalpogʻiston Respublikasi – 39;
Andijon viloyati – 25;
Buxoro viloyati – 30;
Jizzax viloyati – 40;
Navoiy viloyati – 8;
Namangan viloyati – 32;
Samarqand viloyati – 55;
Sirdaryo viloyati – 22;
Surxondaryo viloyati – 15;
Fargʻona viloyati – 29;
Xorazm viloyati – 35;
Toshkent viloyati – 172;
Toshkent shahri – 535.
Shu tariqa, mamlakatda koronavirus yuqtirib olganlar soni 206 122 nafarga yetgan. Ulardan 199 193 (+448) nafari tuzalib ketgan.
Shuningdek, 3 nafar koronavirusga chalingan bemor vafot etib, qurbonlar 1518 nafarni tashkil etmoqda.
Bir kunda Toshkentga uchib kelgan 67 kishida koronavirus aniqlandi – SSV
Vazirlik respublikada koronavirusga chalinish holatlari soni tobora ortib borayotgani va bu aholining sarosimaga berilishiga sabab boʻlayotganini taʼkidlangan.
“Toʻgʻri, virusning yangi shtammi avvalgi mutatsiyalarga nisbatan yuquvchanligi ancha yuqori, biroq unga chalingan aksariyat bemorlarda kasallik yengil darajada kechib, asosan respirator belgilar bilangina namoyon boʻlayotir. Shu sababli yurtdoshlarimizdan ortiqcha xavotirga berilmasliklarini, karantin qoidalariga qatʼiy rioya etib, koronavirusga qarshi toʻliq emlanishlarini soʻraymiz”, - deyilgan xabarda.
Yangiliklar lentasi
0