Sport

Tojikiston Messisi: Alisher Jalilov Oʻzbekiston klubiga oʻtdi

© Foto: FK "Istiklol" Kapitan dushanbinskogo "Istiklola" Alisher Djalilov pereshel v komandu AGMK
Kapitan dushanbinskogo Istiklola Alisher Djalilov pereshel v komandu AGMK - Sputnik Oʻzbekiston, 1920, 18.01.2022
Obuna boʻlish
Yandex newsTelegram
Alisher Jalilov faoliyatini Oʻzbekiston chempionatida davom ettiradi.
TOSHKENT, 18 yanv — Sputnik. Dushanbening “Istiqlol” klubi va Tojikiston terma jamoasi sardori, respublikaning eng umidli yosh futbolchisi deb topilgan Alisher Jalilov faoliyatini Oʻzbekiston chempionatida davom ettiradi.
Jalilov OKMK bilan shartnoma imzoladi va hozir Oʻzbekiston Oliy ligasida toʻp surmoqda, deb xabar berdi “Istiqlol” FK matbuot xizmati.
Qayd etilishicha, futbolchi 2021 yilgi Oʻzbekiston chempionati bronza medali sohibi Olmaliqning OKMK futbol klubi bilan ikki yillik shartnoma imzoladi.
Shartnoma narxi ochiqlanmadi.
Alisher Jalilov 1993 yil 29 avgust kuni Dushanbe shahrida tugʻilgan, toʻp surishni “Olmosi” yoshlar klubida boshlagan. Keyinchalik, 2004 yilda oilasi bilan Rossiyaga koʻchib oʻtdi va u yerda "Lokomotiv" yoshlar sport maktabi tarbiyalanuvchisi boʻldi.
2009 yilda futbolchi Qozon Rubinining yoshlar jamoasiga oʻtdi va 2011 yil iyul oyida u jamoaning asosiy tarkibiga kiritildi.
Oradan bir yil oʻtib Jalilov Nijnekamskdan ijara asosida "Nefteximik"ga oʻtdi. 2012 yil natijalariga koʻra, Rossiya futbol milliy ligasi uni eng yaxshi yosh futbolchi deb eʼtirof etdi.
2014 yilning yozida sportchi Rubinga qaytib keldi va 2017/2018 yilgi mavsumni esa Kaliningradning “Baltika” klubida oʻtkazdi.
2019 yil boshidan buyon Jalilov “Istiqlol”ga keldi va shu vaqt ichida jamoa bilan 3 marta mamlakat chempionligi va Respublika Superkubogi hamda Tojikiston kubogi sohibi boʻldi.
Osiyo Chempionlar ligasining guruh bosqichida “Istiqlol” jamoasining birinchi shunday turnirdagi umumiy muvaffaqiyatiga katta hissa qoʻshdi.
2019 va 2021 yilgi futbol mavsumlari yakunlariga koʻra, sportchi Tojikistonning eng yaxshi futbolchisi deb topildi.
Avvalroq Germaniyaning mashhur Transfermarkt.de sport portali turli mamlakatlar futbolchilari va jamoalarining taxminiy narxini eʼlon qildi, unga koʻra Jalilov 600 ming yevroga baholangan. Bu Tojikiston chempionatidagi eng yuqori koʻrsatkich hisoblanadi.
Yangiliklar lentasi
0