Jamiyat

Toshkentda binolar yoshining interaktiv xaritasi ishga tushirildi

© Press-slujba xokimiyata TashkentaInteraktivnaya karta vozrasta zdaniy v Tashkente
Interaktivnaya karta vozrasta zdaniy v Tashkente - Sputnik Oʻzbekiston, 1920, 31.01.2022
Obuna boʻlish
Yandex newsTelegram
Endi Toshkentdagi binolarning yoshini aniqlash imkoniyati mavjud. Oʻzbekiston bunday interaktiv xarita paydo boʻlgan Markaziy Osiyodagi ilk mamlakat.
TOSHKENT, 31 yanv — Sputnik. Toshkent shahar hokimligi Age Tashkent loyihasini ishga tushirdi. Unda tanlangan vaqt oraligʻini yoki aniq yilni qoʻllagan holda Toshkentdagi binolarning yoshini aniqlash imkoniyati mavjud. Bu haqda poytaxt hokimligi matbuot xizmati xabar bermoqda.
Qurilmalar yoshini vizuallashtirish loyihasini Niderlandiyada ishlab chiqilgan, soʻngra Yevropa va Rossiyada keng tarqalgan Building Age Maps chellenji ilhomlantirgan. Oʻzbekiston bunday interaktiv xarita paydo boʻlgan Markaziy Osiyodagi ilk mamlakat.

“Loyiha Toshkentning boy tarixi, uning meʼmoriy va arxeologik merosini shaxsan koʻrib, haqiqiy baho berish imkoniyatini beradi”, - deyilgan xabarda.

Loyihadan foydalanish yoʻriqnomasi: xaritada qiziqtirgan binoni topish kerak, unga bosib va kerakli maʼlumotlarga ega boʻlish mumkin.
Binolarning rangi ham tasodifan tanlangan emas. Qadimroq binolar toʻkiluvchi materiallar – ular qurilishida qoʻllanilgan somon va loy rangida aks ettirilgan. Sobiq SSSR davrini olovrang va qizil rang aks ettirsa, 1966 yildagi yer qimirlashidan keyin paydo boʻlgan metro koʻk rangda namoyon boʻladi. Mustaqillik yillariga och havorang belgi boʻlsa, yangi Oʻzbekiston davri yashil rangda boʻyalgan.
Binoning yoshi yoki boshqa maʼlumotlaridagi xatolik haqida xabar berish mumkin. Xaritada “sirli xona" ham bor. U Toshkentning chegaralarini yilidan kelib chiqib, koʻrsatib bera oladi. Unda barcha tumanlar, shahar atrofidagi qalʼa devori, 12 ta darvoza, shuningdek, madaniy meros obʼyektlarining arxeologik hamda koʻchalarning zamonaviy nomlari koʻrsatilgan.
Yangiliklar lentasi
0