Jamiyat

Firdavs Abduxoliqovga qoʻzgʻatilgan maʼmuriy ish boʻyicha sud majlisi qoldirildi

© Sputnik / Aleksandr GalperinRukovoditel proyekta "Kulturnoye naslediye Uzbekistana v sobraniyax mira" Firdavs Abduxalikov
Rukovoditel proyekta Kulturnoye naslediye Uzbekistana v sobraniyax mira Firdavs Abduxalikov - Sputnik Oʻzbekiston, 1920, 04.02.2022
Obuna boʻlish
Yandex newsTelegram
Firdavs Abduxoliqovga qoʻzgʻatilgan maʼmuriy ish boʻyicha sud uning sogʻligʻi yomonlashgani sabab qoldirildi.
TOSHKENT, 4 fev — Sputnik. Kinematografiya agentligi bosh direktori Firdavs Abduxoliqovga nisbatan qoʻzgʻatilgan maʼmuriy ish boʻyicha 4 fevralda oʻtkazilishi kerak boʻlgan sud majlisi qoldirildi.
Uning advokati Abduxoliqovning sogʻligʻi yomonlashgani sababli ishni koʻrib chiqishni boshqa kunga qoldirishni soʻradi, deb xabar qildi Sputnik Oʻzbekiston muxbiri.
Sud uning talabini qanoatlantirdi.
Kinematografiya agentligi bosh direktori Firdavs Abduxoliqov oʻz oila aʼzolariga tegishli telekanalga davlat buyurtmalarini bergani yuzasidan maʼmuriy ish ochildi.
Bosh prokuratura matbuot xizmatining maʼlum qilishicha, Korruptsiyaga qarshi kurashish agentligi taqdim etgan hujjatlar Bosh prokuratura tomonidan oʻrganib chiqilib, Firdavs Abduxoliqovga nisbatan maʼmuriy huquqbuzarlik toʻgʻrisida ish qoʻzgʻatildi.
Abduxoliqovga nisbatan MJtKning 175−8-moddasi 4-qismi (Davlat xaridlari toʻgʻrisidagi qonunchilikni buzish) bilan ish ochilgan. Bu modda bilan Kinematografiya agentligi bosh direktori BHMning 20 baravaridan (5,4 mln soʻm) 30 baravarigacha (8,1 mln soʻm) miqdorda jarimaga tortilishi mumkin.
Mavzuga doir yangi materiallar:
Firdavs Abduxoliqovga nisbatan maʼmuriy ish ochildi
"Sevimli" telekanali bosh direktori vazifasidan ozod etildi
"Sabriya" seriali boʻyicha oʻtkazilgan ekspertiza natijalari eʼlon qilindi
Yangiliklar lentasi
0