Siyosat

Mirziyoyev BMT Kontrterror boshqarmasi rahbari bilan uchrashuv oʻtkazdi

© Press-slujba prezidenta UzbekistanaPrezident Uzbekistana Shavkat Mirziyoyev
Prezident Uzbekistana Shavkat Mirziyoyev - Sputnik Oʻzbekiston, 1920, 02.03.2022
Obuna boʻlish
Yandex newsTelegram
Shavkat Mirziyoyev BMT bosh kotibining oʻrinbosari – Kontrterror boshqarmasi rahbari Vladimir Voronkovni qabul qildi.
TOSHKENT, 2 mar — Sputnik. Oʻzbekiston prezidenti Shavkat Mirziyoyev 2 mart kuni Birlashgan Millatlar Tashkiloti Bosh kotibining oʻrinbosari – Kontrterror boshqarmasi rahbari Vladimir Voronkovni qabul qildi. U BMTning Global aksilterror strategiyasi boʻyicha Toshkent xalqaro konferentsiyasi doirasida respublikada boʻlib turibdi.
Uchrashuv avvalida Vladimir Voronkov Oʻzbekiston prezidentiga Birlashgan Millatlar Tashkiloti Bosh kotibi Antoniu Guterrishning samimiy salomi va eng ezgu tilaklarini yetkazdi. Ertaga poytaxtda ish boshlaydigan ikki kunlik nufuzli xalqaro konferentsiyani oʻtkazish tashabbusi va uning tashkil etilgani uchun alohida minnatdorlik bildirildi.
Mamlakatning BMT institut va tuzilmalari, shu jumladan Kontrterror boshqarmasi bilan amaliy hamkorligini yanada rivojlantirish masalalari koʻrib chiqildi.
Davlat rahbari sermahsul hamkorlikning bugungi darajasini mamnuniyat bilan qayd etdi. Xususan, Oʻzbekiston boshqarmaning terrorchilikka qarshi kurashish borasidagi 15 ta loyihasini amalga oshirishda faol ishtirok etmoqda.
Markaziy Osiyo mintaqasi davlatlarining yangilangan Qoʻshma harakat rejasini amalga oshirish va loyihalar sonini koʻpaytirishga alohida eʼtibor qaratildi.
BMT Bosh Assambleyasi tomonidan Oʻzbekiston tashabbusi bilan qabul qilingan “Maʼrifat va diniy bagʻrikenglik” rezolyutsiyasi doirasida koʻp tomonlama tadbirlar oʻtkazish, yoshlarni ekstremizm va terrorizmning salbiy taʼsiridan himoya qilish, “qaynoq nuqtalar”dan qaytarilgan shaxslarni reabilitatsiya va reintegratsiya qilish sohasida tajriba almashish hamda kadrlar tayyorlash yoʻnalishida hamkorlik qilish imkoniyatlari muhokama qilindi.
Mintaqa kun tartibidagi masalalar, shu jumladan Afgʻonistondagi vaziyatning rivojlanishi, afgʻon xalqiga koʻmaklashish va yordam koʻrsatish choralarini koʻrish yuzasidan fikr almashildi.
Uchrashuv yakunida Oʻzbekiston va BMT Kontrterror boshqarmasi oʻrtasidagi amaliy sheriklikni kengaytirish boʻyicha qoʻshma “yoʻl xaritasi”ni tayyorlash toʻgʻrisida kelishuvga erishildi.
Yangiliklar lentasi
0