Iqtisod

Pokiston Oʻzbekistonga goʻsht yetkazib berishni yoʻlga qoʻymoqda

© Sputnik / Evgeniya Novozhenina / Fotobankka oʻtishMyaso, foto iz arxiva
Myaso, foto iz arxiva - Sputnik Oʻzbekiston, 1920, 10.03.2022
Obuna boʻlish
Yandex newsTelegram
18 tonna halol goʻsht ortilgan konteyner 9 mart kuni Karachidan yoʻlga chiqqan.
TOSHKENT, 10 mar — Sputnik. Pokiston Oʻzbekistonga goʻshtning birinchi partiyasini yubordi. Bu haqda mahalliy nashr “Business Recorder” yozmoqda.
Qiymati 400 ming dollarga baholanayotgan 18 tonna halol goʻsht ortilgan konteyner 9 mart kuni Karachidan yoʻlga chiqqan. U kelasi hafta Toshkentga yetib kelishi kutilmoqda. Yuk Pokistonning “Shaheen Group” va “Pyramid Logistics” kompaniyalari tomonidan tayyorlangan.
Yukni joʻnatish marosimida “Shaheen Group” rahbari Malik Sher Xon mart oxirigacha Oʻzbekistonga yana 50 ta goʻsht ortilgan konteyner joʻnatilishini maʼlum qildi. Keyinchalik yuk hajmi oshirib boriladi.
Oʻzbekiston goʻsht importini oshirdi
Eslatib oʻtamiz, Oʻzbekiston prezidenti Shavkat Mirziyoyevning Pokistonga tashrifi davomida ikki mamlakat oʻrtasida "Imtiyozli savdo toʻgʻrisidagi" bitim imzolangan edi.
Oʻtgan yilda ikki tomonlama savdo hajmi 50 foizga oʻsgan. Tovar ayirboshlashni yaqin yillarda 500 million dollarga, uzoq muddatli istiqbolda esa 1 milliard dollarga yetkazish maqsad qilingan.
Yangiliklar lentasi
0