Hodisalar

Samarqandda bolalarni igna tiqib qoʻrqitgan bogʻcha tarbiyachisiga nisbatan jinoiy ish ochildi

© SputnikGosudarstvennыy detskiy sad №24 Kuyichirchikskogo rayona
Gosudarstvennыy detskiy sad №24 Kuyichirchikskogo rayona - Sputnik Oʻzbekiston, 1920, 20.03.2022
Obuna boʻlish
Yandex newsTelegram
Samarqand shahridagi “Golden kids” xususiy bogʻchasi tarbiyachisi bolalarni uxlatish uchun ularning tanasiga igna tiqib kelganlikda gumonlanmoqda.
TOSHKENT, 20 mar — Sputnik. Samarqand shahrida bolalarni igna tiqib qoʻrqitgan xususiy bogʻcha tarbiyachisiga nisbatan jinoyat ishi qoʻzgʻatildi. Bu haqda Samarqand viloyati Ichki ishlar boshqarmasi matbuot xizmati xabar bermoqda.
Avvalroq ijtimoiy tarmoqlarda shahardagi bogʻchalardan birida tarbiyachi bolalarni qoʻrqitish uchun igna tiqib azoblab kelgani haqida xabarlar tarqalgan edi.
Maʼlum qilinishicha, bu holat shahardagi “Golden kids” xususiy bogʻchasida roʻy bergan. Tergovga qadar tekshiruvda bu ishni bogʻchada ishlovchi pastdargʻomlik fuqaro (1992 yilda tugʻilgan) sodir etgani aniqlangan.
Holat yuzasidan Jinoyat kodeksining 110-moddasi 2-qismi "a, v" (voyaga yetmagan, ojiz ahvoldaligi aybdorga ayon boʻlgan shaxsni qiynash) bandlari bilan jinoyat ishi qoʻzgʻatilgan.
Tergov harakatlari olib borilmoqda.
Viloyat Maktabgacha taʼlim boshqarmasi ham holatga munosabat bildirib, oʻrganish ishlari olib borilayotgani, keyiroq batafsil maʼlumot berilishini maʼlum qildi.
Yangiliklar lentasi
0