Iqtisod

Qazilma boyliklari Oʻzbekistonning "oʻsish nuqtasi" boʻlishi mumkin

© Press-slujba AGMKProizvodstvo medi na predpriyatii AGMK
Proizvodstvo medi na predpriyatii AGMK - Sputnik Oʻzbekiston, 1920, 25.03.2022
Obuna boʻlish
Yandex newsTelegram
Qazilma boyliklari va birlamchi resurslar sohasida samaradorlikni oshirish asosida kelajakda raqobatbaordosh mahsulotlar ishlab chiqarish mumkin.
TOSHKENT, 25 mar - Sputnik. Oʻzbekiston oʻzining foydali qazilmalarni qayta ishlashni takomillashtirish yoʻli bilan yakuniy mahsulot ishlab chiqarishda ustuvorlikka erishishi mumkin. Bu haqida Toshkentda boʻlib oʻtayotgan investitsion forum doirasida ekspertlar fikri tinglandi.
Maʼlumki, Oʻzbekistonda birlamchi resurslar, xususan, mis, oltin, kumush, tsink, fosfatlar, nodir tuproq metallari kaliyi va boshqa minerallarning xilma-xil turlari keng assortimentda qazib olinadi va ishlab chiqariladi.
Mutaxassislar xulosasiga koʻra, keyinchalik, texnologik tsikl yakunida ushbu resurslar yordamida raqobatbardosh yakuniy mahsulotni ishlab chiqarish uchun yaxshi asos boʻlib xizmat qilishi mumkin.
Bir qator sektorlarning yuqori texnologik transformatsiyasi kelajakda ishlab chiqarish geografiyasi hamda qoʻshimcha qiymat jamlangan markazlar oʻzgarishiga olib keladi. Ishlab chiqarish jarayoni avvalgiga nisbatan kamroq quvvat, material va mehnat talab qilishi, arzon ishchi kuchidan foydalanish qisqarishi kutilmoqda.
Oʻzbekiston Investitsiya va tashqi savdo vazirining birinchi oʻrinbosari Aziz Voitov aytishiga koʻra, qimmatbaho metallardan tayyor mahsulotlar ishlab chiqarish uchun 22 hududda Erkin iqtisodiy zonalar tashkil qilingan.
Bu hududlarda istalgan xorijlik investorlar oʻz investitsiyalarini kiritishlari va imtiyozli sharoitlarda faoliyat olib borishlari mumkin. Erkin iqtisodiy zonalarda biznesni yoʻlga qoʻyish uchun barcha sharoitlar yaratilgan.
Davlat geologiya va mineral resurslar qoʻmitasi raisi Bobir Islomov aytishiga koʻra, Oʻzbekiston geologik jihatdan 40 % oʻrganilgan mamlakat hisoblanadi. Yana 60 % hududlarda oʻrganishlar olib borish uchun uzoq muddatli dastur ishlab chiqilgan.
Reja boʻyicha biz geologik ishlarimizni 2 baravar oshiramiz. Shunchaki qazib olmasdan, zahira yaratishni maqsad qilganmiz. Shu yoʻnalishda kelgusida 150 ming oltin zaxiralari, 300 mingdan ortiq tonna mis zaxiralarini yaratishni rejalashtirganmiz.
Mamlakatimiz investor tomonidan taklif qilinadigan togʻ-kon sohasidagi mega loyihalarga tayyor. Bu borada xorijliklar faoliyatini olib borishi uchun hech qanday muammo boʻlmaydi.
Munozara doirasida soʻzga chiqqan OKMK boshqarma raisi oʻrinbosari Abdulla Azizov yillik mis ishlab chiqarish hajmini 109 ming tonnadan 148,5 ming tonnagacha tonnagacha yetkazilganini va dunyoda elektrmobillar ommalashishi evaziga misga boʻlgan talab ham ortib borayotganini taʼkidladi. Prognozlarga koʻra, kelgusida mis va temir rudasini qayta ishlash boʻyicha Oʻzbekiston birinchi oʻringa chiqadi. "Lekin biz rekord oʻrnatish emas, yangi konlarni ochishni maqsad qilganmiz", - deydi Azizov.
Eslatib oʻtamiz, Toshkentda 24 mart kuni Xalqaro investitsiya forumi ish boladi. Unda 1,5 mingdan ortiq yirik investor va 56 mamlakatdan oliy darajadagi mehmonlar ishtirok etmoqda.
Yangiliklar lentasi
0