Iqtisod

Surxondaryoda respublikaning eng yirik IESlaridan biri qurilishi boshlandi

© Press-slujba prezidenta UzbekistanaMirziyoyev dal start stroitelstvu teplovoy elektrostantsii v Surxandarye
Mirziyoyev dal start stroitelstvu teplovoy elektrostantsii v Surxandarye - Sputnik Oʻzbekiston, 1920, 25.03.2022
Obuna boʻlish
Yandex newsTelegram
Angor tumanida qurilayotgan yangi IES Surxondaryo uy xoʻjaliklarini, ishlab chiqarish majmualarini va qisman Afgʻonistonni elektr energiyasi bilan taʼminlaydi.
TOSHKENT, 25 mar - Sputnik. Toshkent investitsion forumi doirasida Surxondaryo viloyati Angor tumanida yangi issiqlik elektr stantsiyasi qurilishi boshlanishiga bagʻishlangan marosim boʻlib oʻtdi.
Marosimda prezident Shavkat Mirziyoyev ishtirok etdi va energetika sohasida amalga oshirilayotgan ishlar haqida aytib berdi.
– Biz oxirgi yillarda energetika sohasida katta islohotlarni amalga oshirib, sohani toʻliq transformatsiya qilmoqdamiz. Jumladan, elektr ishlab chiqarishga ilk bor xususiy sektor ishtiroki uchun keng imkoniyatlar ochildi. Soʻnggi uch yilda umumiy quvvati 1 ming Megavattdan ziyod boʻlgan 5 ta elektr stantsiyasi davlat-xususiy sheriklik asosida ishga tushirildi. Jalb etilgan xorijiy investitsiyalar hajmi 1 milliard dollardan oshdi, – dedi Shavkat Mirziyoyev.
Angor IESining umumiy qiymati 1,2 mlrd. dollar boʻlib, loyiha quvvati 1560 megavattni tashkil qiladi. Bu Oʻzbekistonda soʻnggi yillarda yaratilgan eng yirik IES boʻladi.
Eng zamonaviy texnologiyalar yordamida ishlaydigan stantsiya yiliga 12 milliard kilovat-soat elektr energiyasi ishlab chiqariladi va 1 milliard kub metr tabiiy gaz tejaydi. Stantsiyani 2024 yil oxirida ishga tushirish rejalashtirilgan.
Ushbu stantsiyada ishlab chiqarilgan elektr energiyasi Surxondaryodagi konlar, sanoat korxonalari hamda 500 ming xonadonni elektr nuriga toʻldiradi. Bundan tashqari, qoʻshni Afgʻonistonga yiliga kamida 3 milliard kilovatt-soat elektr energiyasini eksport qilish imkoniyati paydo boʻladi, - deyilgan xabarda.
Loyiha Germaniyaning “Siemens Energy”, Frantsiyaning “YEDF”, Niderlandiyaning “Stone City Energy” kompaniyalari tomonidan davlat-xususiy sheriklik asosida amalga oshiriladi.
Maʼlumot uchun, Oʻzbekistonda bugungi kunda umumiy quvvati 9 ming Megavatt boʻlgan yana 19 ta elektr stantsiyasi barpo etilmoqda. Ularning umumiy qiymati 10 milliard dollardan ziyod.
Yangiliklar lentasi
0