Jamiyat

Hafta oxiriga kelib havo harorati +25 darajagacha isiydi

© Sputnik / Ramil SitdikovVesna
Vesna - Sputnik Oʻzbekiston, 1920, 28.03.2022
Obuna boʻlish
Yandex newsTelegram
30 martdan 1 aprelgacha respublika boʻylab yogʻingarchilik kutilmaydi.
TOSHKENT, 28 mar — Sputnik. Bugun, 28 mart kuni, kunduz kuni hududlarning katta qismida quruq va iliq ob-havo boʻlishi kutilmoqda, deb xabar bermoqda Oʻzgidromet.
Kunduz kuni havo +15...+17 daraja iliqgacha, janubda +20...+22 daraja iliqgacha isiydi. Faqat respublikaning shimoliy hududlariga Volgaboʻyi hududlaridan sovuq antitsiklon kirib kelishi boshlanadi.
Qoraqalpogʻistonda va Xorazm viloyatida baʼzi joylarda yomgʻir yogʻadi, shamol tezligi 18-23 m/s gacha kuchayadi.
Bugun kechga tomon va ertaga antitsiklon kirib kelishi mamlakatning barcha hududlariga tarqaladi. Respublika hududlari boʻyicha (shimol va chekka janubdan tashqari) baʼzi joylarda biroz yomgʻir yogʻadi, togʻoldi va togʻli hududlarda yogʻingarchilik (yomgʻir, qor) boʻladi. Ayrim joylarda shamol tezligi 18-23 m/s gacha kuchayishi kutilmoqda. Sovuq front oʻtishida kunduzi harorat +7...+10 darajagacha pasayadi.
30 martdan 1 aprelgacha respublika boʻylab yogʻingarchilik kutilmaydi, kechasi va ertalab baʼzi joylarga tuman tushishi mumkin.
30 martda havo harorati kechasi 0...+3 daraja iliq, baʼzi joylarda -2 daraja sovuqgacha, kunduzi +12...+17 daraja iliq atrofida boʻladi.
Hafta oxiriga kelib kechasi harorat +5...+10 daraja iliqgacha koʻtariladi, kunduzi havo +17...+22 daraja iliqgacha, janubda +23...+25 daraja iliqgacha isiydi.
Togʻli hududlarda qor koʻchishi xavfi saqlanib turadi.
Yangiliklar lentasi
0