Sport

Oksana Chusovitina Bokuda Jahon kubogini qoʻlga kiritdi

Oksana Chusovitina - Sputnik Oʻzbekiston, 1920, 03.04.2022
Obuna boʻlish
Yandex newsTelegram
Oksana Chusovitina tayanib sakrash yoʻnalishida Jahon kubogi sohibasiga aylandi.
TOSHKENT, 3 apr — Sputnik. Ozarbayjon poytaxti Boku shahrida sport gimnastikasi boʻyicha jahon kubogi bosqichi boʻlib oʻtmoqda. Unda ishtirok etayotgan Oksana Chusovitina shohsupaning eng yuqori pogʻonasiga koʻtarildi. Bu haqda Sportni rivojlantirish vazirligi xabar bermoqda.
Yaqinda 47 yoshga qadam qoʻyadigan oʻzbekistonlik gimnastikachi tayanib sakrash mashqi boʻyicha oʻtkazilgan final bahslarida 13,266 ball bilan birinchi oʻrinni egallagan. Keyingi oʻrinlarni mos ravishda Vengriya vakilasi Mariya Ksenje Bakskay hamda sloveniyalik Tesha Belak qoʻlga kiritgan.
Jami toʻrt bosqichdan iborat boʻlgan ushbu musobaqaning uchta bosqichida qatnashib, ikkita oltin va bitta kumush medalga sazovor boʻlgan Oksana Chusovitina tayanib sakrash yoʻnalishida Jahon kubogi sohibasiga aylandi.
Eslatib oʻtamiz, Oksana Chusovitina Misrdagi Jahon kubogi bosqichida kumush, Qatardagi bosqichda esa oltin medalni qoʻlga kiritgan edi.
Yangiliklar lentasi
0