Iqtisod

Valyuta birjasida Rossiya rubli bilan ham bitimlar tuzilishi boshlandi

© Sputnik / Vladimir TrefilovMonetы nominalom odin rubl.
Monetы nominalom odin rubl. - Sputnik Oʻzbekiston, 1920, 03.04.2022
Obuna boʻlish
Yandex newsTelegram
Oʻzbekiston respublika valyuta birjasi savdolarida umumiy hajmi 80 mln Rossiya rublidagi bitimlar tuzilgan.
TOSHKENT, 3 apr — Sputnik. Valyuta birja savdolarida Rossiya rubli/soʻm valyuta juftligi boʻyicha bitimlar tuzilishi boshlandi. Bu haqda Oʻzbekiston respublika valyuta birjasi (OʻzRVB) matbuot xizmati xabar bermoqda.
24 mart kuni Rossiya rubli/soʻm valyuta juftligi (RUB/UZS_TOM instrumenti) boʻyicha birja savdolari muvaffaqiyatli oʻtkazilgan. Unda umumiy hajmi 80 mln Rossiya rublidagi bitimlar tuzilgan.
OʻzRVB valyuta bozori ishtirokchilariga qoʻshimcha savdo imkoniyatlarini yaratish maqsadida Rossiya rubli/soʻm va Xitoy yuani/soʻm valyuta juftliklari boʻyicha savdolarni yoʻlga qoʻygan edi. Mazkur valyuta juftliklari boʻyicha savdolar ishtirokchilari 2022 yil 31 mayga qadar bitimlar boʻyicha vositachilik mukofoti toʻlashdan ozod etilgan.
Savdolar "Rhombus" platformasida tashkil etilgan. Ular T+1 rejimida uzluksiz ikki tomonlama “metching” savdo usuli boʻyicha OʻzRVBning chet el valyutasini sotib olish va sotish boʻyicha birja savdosi qoidalariga muvofiq oʻtkazilgan.
Taʼkidlanishicha, birja instrumentlar qamrovini yanada kengaytirish boʻyicha barcha zarur choralarni amalga oshirish rejalashtirilgan.
Eslatib oʻtamiz, avvalroq prezident Shavkat mirziyoyev birjada rubl va yuan boʻyicha savdolar boshlangani aholida ortiqcha xavotir yoki bezovtalik tugʻdirmasligi kerakligini taʼkidlagan edi. Valyuta bozorida keskin tebranishlarning oldini olish uchun Oʻzbekistonning zaxiralari yetarli.
Yangiliklar lentasi
0