Jamiyat

Dorilar va tibbiyot buyumlarini majburiy markirovkalash 1 sentyabrdan boshlanadi

© Sputnik / Aleksandr Kryajev / Fotobankka oʻtishTorgovlya lekarstvami
Torgovlya lekarstvami - Sputnik Oʻzbekiston, 1920, 07.04.2022
Obuna boʻlish
Yandex newsTelegram
Hukumat qarori bilan dorilar va tibbiyot buyumlarini majburiy markirovkalash muddati tasdiqlandi.
TOSHKENT, 7 apr — Sputnik. Oʻzbekistonda dorilar va tibbiyot buyumlarini majburiy markirovkalash 1 sentyabrdan boshlanadi. Hukumatning tegishli qarori 2 aprel kuni qabul qilindi.
Hujjat bilan dori vositalari (substantsiyalar bundan mustasno) va tibbiy buyumlarni guruhlarga boʻlinishini nazarga tutgan holda identifikatsiya vositalari orqali majburiy raqamli markirovkalash tizimini 2022—2025 yillar davomida bosqichma-bosqich joriy qilish nazarda tutilgan.
Majburiy raqamli markirovkalashni boshlash muddatlari hamda mahsulotlar turlari quyidagicha belgilandi:
birinchi guruh — ikkilamchi (tashqi) qadoqlarda ishlab chiqarilgan dori vositalari (orfan dori vositalari bundan mustasno) — 2022 yil 1 sentyabrdan boshlab;
ikkinchi guruh — birlamchi (ichki) qadoqlarda ishlab chiqarilgan dori vositalari va dorivor angro — mahsulotlari (orfan dori vositalari bundan mustasno) — 2022 yil 1 noyabrdan boshlab;
uchinchi guruh — orfan dori vositalari (kam uchraydigan kasalliklarni davolash uchun) — 2023 yil 1 martdan boshlab;
toʻrtinchi guruh — maxsus roʻyxatga kiritilgan import qilingan tibbiy buyumlar — 2025 yil 1 fevraldan boshlab.
Qaror bilan majburiy raqamli markirovkalanadigan dori vositalari va tibbiy buyumlarning identifikatsiya kodlari roʻyxati, dori vositalari va tibbiy buyumlarni mahalliy ishlab chiqaruvchilar tomonidan majburiy raqamli markirovkalash tizimini bosqichma-bosqich joriy qilish grafigi tasdiqlangan. Shuningdek, dori vositalari va tibbiy buyumlarni identifikatsiya vositalari orqali raqamli markirovkalash tartibi toʻgʻrisidagi nizom tasdiqlangan.
Hujjat Qonun hujjatlari maʼlumotlari milliy bazasida eʼlon qilingan va 2 apreldan kuchga kirgan.
Yangiliklar lentasi
0