Iqtisod

Toʻqimachilik mahsulotlari eksporti 4 baravar oshishiga nimalar sabab boʻldi

© Sputnik / Dmitriy Vinogradov / Fotobankka oʻtishNa raskroynom uchastke tekstilnogo predpriyatiya v Uzbekistane
Na raskroynom uchastke tekstilnogo predpriyatiya v Uzbekistane - Sputnik Oʻzbekiston, 1920, 07.04.2022
Obuna boʻlish
Yandex newsTelegram
Oʻzbekiston paxta sanoati 2022 yilda esa 4,3 mlrd. dollarlik maxsulotlarni tashqi bozorga yetkazib berishni niyat qilmoqda. Bu 2018 yilga nisbatan 4 baravar koʻp.
TOSHKENT, 7 apr - Sputnik. Oʻzbekistonda toʻqimachilik sanoati mahsulotlari hajmi soʻnggi 5 yilda 4 baravar oshdi. Bu haqida AOKAda boʻlib oʻtgan matbuot anjumanida "Oʻztoʻqimachiliksanoati" uyushmasi vakili Shahzoda Qoʻchqorova maʼlum qildi.

Soʻnggi 5 yil mobaynida toʻqimachilik sanoati mahsulotlari eksporti xajmi keskin oshdi, 2018 yilda mahsulot eksporti 1 mlrd.dollarni tashkil qilgan boʻlsa, 2021 yilda bu koʻrsatgich 3,05 mldr.dollarni tashkil etdi, 2022 yilda esa 4.3 mlrd.dollarlik maxsulotlarni tashqi bozorga yetkazib berish koʻzlangan, - deyiladi xabarda.

Oʻztoʻqimachiliksanoat vakilining soʻzlariga koʻra, ushbu oʻzgarishlarga quyidagi omillar sabab boʻlgan.
1.
Hukumat tomonidan eksportchi korxonalarni qoʻllab-quvvatlashga qaratilayotgan chora-tadbirlar, jumladan, qoʻshimcha qiymat soligʻini qaytarilishi va aylanma mablagʻlar bilan taʼminlanishi.
2.
Bundan tashqari, Yevroittifoq bozoriga kirish uchun 27 ta xalqaro konvetsiyalar ratifikatsiya qilindi va bu GSP+ prefentsiyalar tizimini oʻzbek toʻqimachilik maxsulotlariga bojsiz kirish imkonini berdi.
3.
Yangi bozorlarga chiqish uchun Oʻzbekistonning 75dan ziyod korxonalari xalqaro koʻrgazmalarda ishtirok etdi. Oʻzbek toʻqimachilik mahsulotlari ilk bor Yaponiya, Marokash va Misr kabi davlatlarda taqdim etildi.
4.
Cotton Campaign koalitsiyasi tomonidan 12 yil davom etgan oʻzbek paxtasiga qoʻyilgan boykotning bekor qilinishi.
Maʼlumot uchun, toʻqimachilik sanoati Oʻzbekiston iqtisodiyotining yetakchi sohalaridan biridir. Sohaning ildam rivojlanishi natijasida Oʻzbekistonda Janubiy Koreya, Turkiya, Rossiya va boshqa davlatlar bilan hamkorlikda tashkil qilingan koʻplab toʻqimachilik korxonalari faoliyat yuritmoqda. Buning natijasida Oʻzbekiston paxta xom ashyosi eksportchisidan tayyor va yarim tayyor toʻqimachilik mahsulotlari eksportchisiga aylanmoqda. Espertlar xulosasiga koʻra, yaqin kelajakda Oʻzbekiston paxta eksportidan butunlay voz kechishi mumkin.
Yangiliklar lentasi
0