Jamiyat

Yangi Oʻzbekiston koʻchasi boʻylab uy-joylar va mehmonxonalar qad rostlaydi

© Press-slujba prezidenta UzbekistanaShavkat Mirziyoyev oznakomilsya s neskolkimi stroitelnыmi proyektami v Tashkente i Samarkande,
Shavkat Mirziyoyev oznakomilsya s neskolkimi stroitelnыmi proyektami v Tashkente i Samarkande, - Sputnik Oʻzbekiston, 1920, 07.04.2022
Obuna boʻlish
Yandex newsTelegram
Binolarda 1 million 700 ming kvadrat metr savdo va xizmat koʻrsatish maydoni boʻladi. Buning negizida 14 mingdan ortiq ish oʻrni tashkil etiladi.
TOSHKENT, 7 apr — Sputnik. Toshkentda Yangi Oʻzbekiston koʻchasi boʻylab 610 gektar maydonda uy-joylar, mehmonxonalar, kinoteatr, restoranlardan iborat zamonaviy majmualar quriladi. Bu haqda davlat rahbari matbuot xizmati xabar bermoqda.
Prezident Shavkat Mirziyoyev qurilish loyihalari taqdimoti bilan tanishdi.
Davlat rahbari avvalo Yangi Oʻzbekiston koʻchasi boʻylab qad rostlaydigan uy-joylar va mehmonxonalar loyiha maketini koʻzdan kechirdi.
Loyihaga asosan, binolar toʻrt qavatli, toʻrt xil dizaynda boʻladi. Birinchi qavatda savdo va xizmat koʻrsatish muassasalari faoliyat yuritadi. Yuqori qavatlarda xonadonlar yoki mehmonxonalar boʻladi. Koʻcha boʻyida piyoda va velosiped yoʻlaklari, yerosti va yerusti yoʻllari barpo etiladi.
Prezident loyihani maʼqulladi. Uylarni energiya tejamkor qilib qurish, issiq va sovuqda moʻʼtadil boʻlishini taʼminlash boʻyicha tavsiyalar berdi. Ish oʻrinlarini koʻpaytirishga alohida eʼtibor qaratish zarurligi taʼkidland
Hisob-kitoblarga koʻra, binolarda 1 million 700 ming kvadrat metr savdo va xizmat koʻrsatish maydoni boʻladi. Buning negizida 14 mingdan ortiq ish oʻrni tashkil etiladi.
Shuningdek, ushbu koʻchada joylashgan "Toshkent-Sharqiy" aeroporti infratuzilmasini rivojlantirish, yoʻlovchilar uchun zamonaviy sharoitlar yaratish choralari ham belgilandi.
Prezident koʻrsatmalari asosida qayta ishlangan “Mahalla markazlari barpo etish” loyihasining taqdimoti ham boʻlib oʻtdi. Aytilishicha, bunday markazlarda stadion, oʻyin maydonchalari, kutubxona, kompyuterxona, oshxona, hammom va boshqalar boʻladi.
Mahalla va nuroniylarni qoʻllab-quvvatlash vazirligi taklifi asosida ushbu markazlar joyini aniqlash vazifasi qoʻyildi.
Maʼlumki, 2025 yilda Toshkent shahrida Yoshlar oʻrtasidagi Osiyo oʻyinlari oʻtkazilishi rejalashtirilgan. Bu nufuzli musobaqa uchun poytaxtimizning Yashnobod tumanida Olimpiya shaharchasi qurilishi loyihalashtirilgan.
Loyihaga koʻra, shaharcha markazida olimpiya stadioni, uning ikki yonida yopiq sport majmualari, suv sporti saroyi, mashgʻulot maydonchalari, eshkak eshish havzasi barpo etiladi. Maʼmuriy bino, yotoqxona, muzey va xoʻjalik obʼyektlari ham quriladi.
"Bu majmua xalqimizga, yoshlarimizga mulk boʻlib qoladi. Shuning uchun birinchi oʻrinda sifat", - dedi prezident.
Toshkent shahrida xizmatlar sohasini rivojlantirish, jumladan, yerusti metrosi ostidagi boʻsh yer maydonlarida yangi xizmat koʻrsatish va savdo nuqtalarini tashkil etishga qaratilgan loyihalar koʻrib chiqildi.
Taqdimotda Samarqand turizm markazida olib borilayotgan bunyodkorlik ishlari haqida ham axborot berildi.
Yangiliklar lentasi
0