Situatsiya na granitse Krыma s Ukrainoy - Sputnik Oʻzbekiston, 1920, 24.02.2022
Rossiyaning Donbassdagi maxsus harbiy operatsiyasi
Rossiya 21 fevral kuni Donetsk va Lugansk xalq respublikalarini tan olishini eʼlon qildi, 24 fevral kuni esa Vladimir Putin Donbassda maxsus harbiy operatsiya boshlanganini maʼlum qildi. Rossiya Mudofaa vazirligi Ukraina harbiy infratuzilmasiga, xususan qurol-yarogʻ omborlari va aerodromlarga zarba berdi.

Rossiya Mudofaa vazirligi: agar Ukraina qoʻporuvchilikni davom ettirsa, Kiyevga zarba beriladi

© Sputnik / Vitaliy BelousovZdaniye Ministerstva oboronы Rossiyskoy Federatsii na Frunzenskoy naberejnoy v Moskve.
Zdaniye Ministerstva oboronы Rossiyskoy Federatsii na Frunzenskoy naberejnoy v Moskve. - Sputnik Oʻzbekiston, 1920, 14.04.2022
Obuna boʻlish
Yandex newsTelegram
Rossiya Mudofaa vazirligi Ukraina harbiylari tomonidan Rossiyadagi obʼyektlarga qoʻporuvchilikka urinish davom ettirilgan taqdirda, Kiyevga zarba berish bilan tahdid qildi.
TOSHKENT, 14 apr — Sputnik. Agar Rossiya hududida qoʻporuvchilikka boʻlgan urinishlar davom ettirilsa, Rossiya Ukrainaning qaror qabul qiluvchi markazlariga zarba beradi. Bu haqda Rossiya Mudofaa rasmiy vakili general-mayor Igor Konashenkov maʼlum qildi.
"Ukraina harbiylari tomonidan Rossiya hududida joylashgan obʼyektlarga zarba berilishi va qoʻporuvchilikka boʻlgan urinishlari koʻryapmiz. Agar shunday holatlar davom etsa, Rossiya Qurolli kuchlari tomonidan bu borada qaror qabul qilinadigan markazlar, xususan, Kiyevga ham zarbalar beriladi. Rossiya armiyasi hozirgacha bu ishdan tiyilib kelgandi”, - dedi Konashenkov.
Rossiya maxsus harbiy operatsiyasi boshlangandan buyon ukrainalik jangarilar bir necha marta Rossiyaning chegaradosh viloyatlarida qoʻporuvchilik uyushtirishdi. 29 mart kuni ular Belgorod viloyatiga “Tochka-U” raketalari bilan zarba berishdi. Buning oqibatida yongʻin yuzaga kelib, sakkiz kishi jarohatlandi. 1 aprel kuni Ukrainaning ikkita vertolyoti Rossiya hududiga bostirib kirib, Belgoroddagi neft bazasini oʻqqa tutdi. Bundan tashqari, Belgorod viloyatida temir yoʻllariga zarar yetkazildi.
Rossiyaning Belgorod, Kursk va Bryansk viloyatlarida, Voronej viloyati va Krasnodar oʻlkasining ayrim tumanlarida hamda Qrim shimolida terrorchilik xavfining sariq darajasi joriy qilingan.
Rossiya 24 fevral kuni Ukrainada maxsus harbiy operatsiya boshlanganini eʼlon qildi. Prezident Vladimir Putin ushbu operatsiyaning maqsadi "sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish" deb atagan.
Buning uchun Ukrainani demilitarizatsiya (harbiy infratuzilmalarini yoʻq qilish) va denatsifikatsiya (millatchilik gʻoyalaridan tozalash) qilish talab etiladi.
Mudofaa vazirligi bayonotiga koʻra, Qurolli Kuchlar faqat harbiy infratuzilma va Ukraina qoʻshinlariga zarba bermoqda. 25 martga kelib ular birinchi bosqichning asosiy vazifalarini bajarishdi - Ukrainaning jangovar salohiyatini sezilarli darajada kamaytirishdi.
Rossiya Mudofaa vazirligi endi asosiy maqsad - Donbassni ozod qilish ekanini taʼkidlagan.
Yangiliklar lentasi
0