Jamiyat

Qanday qonun loyihalari jamoatchilik muhokamasidan oʻtkazilmaydi?

© Sputnik / Aleksey Mayshev / Fotobankka oʻtishStatuya Femidы
Statuya Femidы  - Sputnik Oʻzbekiston, 1920, 15.04.2022
Obuna boʻlish
Yandex newsTelegram
Adliya vazirligi qanday qonuniy hujjatlar hujjatlar jamoatchilik muhokamasidan oʻtkazilmasdan qabul qilinishi mumkinligini tushuntirib berdi.
TOSHKENT, 15 apr — Sputnik. Qonunchilikda barcha hujjat loyihalari jamoatchilik muhokamasiga joylashtirilishi shartligi haqida talab yoʻq. Hujjat loyihalari regulation.gov.uz portalidan tashqari, tashkilotlarning rasmiy veb-sahifalari va jamoatchilik.uz portaliga ham joylab borilishi lozim. Bu haqida Adliya vazirligi xabar bermoqda.
Shu kunlarda OAV va ijtimoiy tarmoqlarda endilikda barcha normativ-huquqiy hujjatlar loyihalari jamoatchilik muhokamasidan oʻtkazilmaydi, degan mazmunda xabar tarqaldi va qizgʻin muhokamalarga sabab boʻlmoqda.
Vazirlik maʼlum qilishicha, normativ-huquqiy hujjatlarning loyihalarini regulation.gov.uz portaliga jamoatchilik muhokamasini oʻtkazish OʻRQ-682 (20.04.2021) qonuni bilan belgilangan.
Prezidentining 2021 yil 15 martdagi qaroriga koʻra quyidagi hollarda loyihalar jamoatchilik muhokamasidan oʻtkazilmaydi:
favqulodda vaziyatlar, yuqumli va parazitar kasalliklarga qaratilgan loyihalar;
yangi qabul qilingan qonunchilik hujjatlarining talablariga muvofiqlashtirishga qaratilgan oʻzgartirish va qoʻshimchalarni nazarda tutuvchi loyihalar;
tadbirkorlik faoliyatiga, fuqarolarning huquqlari, erkinliklari va qonuniy manfaatlariga hamda atrof-muhitga taʼsir koʻrsatishni nazarda tutmaydigan loyihalar.
Aytish joizki, qonun loyihalarning jamoatchilik muhokamasiga qoʻyish xorijiy davlatlarning tajribasida ham keng qoʻllanilmoqda. Belorussiya va Rossiya Federatsiyasi qonunchiligida jamoatchilik muhokamasiga joylashtirilishi lozim boʻlgan normativ-huquqiy hujjatlar loyihalari roʻyxati belgilab berilgan.
Shu bilan birga, qonun normalari ijodkorligi nuqtai nazaridan pishiq boʻlmagan loyihalarning portalga joylanishi keng jamoatchilikda norozilik kayifyatlari keltirib chiqarishi mumkin, deyiladi xabarda.
Yangiliklar lentasi
0