Jamiyat

Toshkentda eng yaxshi YPX xodimlari qimmatbaho mashina bilan taqdirlanadi

© Sputnik / Ramiz BaxtiyarovSotrudnik GAI s jezlom
Sotrudnik GAI s jezlom - Sputnik Oʻzbekiston, 1920, 18.04.2022
Obuna boʻlish
Yandex newsTelegram
Jahongir Ortiqxoʻjayev xushmuomala YPX xodimlariga "Lacetti", "Nexia", "Spark" sovgʻa qilinishini maʼlum qildi.
TOSHKENT, 18 apr — Sputnik. Toshkent shahar hokimi Jahongir Ortiqxoʻjayev YPX xodimlari uchun "Eng yaxshi yoʻl harakati xavfsizligi xodimi" tanlovini oʻtkazishni taklif qildi.
Birinchi oʻrinni olgan xodimga “Lacetti”, ikkinchi oʻringa “Nexia”, uchinchi oʻringa esa “Spark” beriladi. Mashinalarni homiylar bergan.
Tanlov Mustaqillik kuni bayrami arafasida boʻlib oʻtishi kutilmoqda. Xodimlar faoliyatini haydovchilar baholaydi. Ular ovoz berishi yoʻli bilan eng yaxshi yoʻl harakati xavfsizligi xodimini aniqlaydilar.
Shuningdek, shahar hokimi YPX xodimlarini haydovchilar bilan xushmuomala boʻlishga chaqirdi.
“Shaharda yildan yilga avtomobillar soni ortib bormoqda. Buning natijasida tirbandliklar yuzaga kelmoqda. Bularni bir vaqtning oʻzida bartaraf etish qiyin. YPX xodimlarini mehnati poytaxtda eng ogʻir mehnatlardan bittasi. 3,5 million aholi istiqomad qiladigan shaharda YPX xodimi boʻlish ogʻir”, - deydi hokim.
Hokim har oy bir marotaba YPX xodimlari bilan uchrashuv oʻtkazish rejasi borligini maʼlum qildi.
Yangiliklar lentasi
0