Video

Rossiya "Sarmat" ballistik raketasini sinovdan oʻtkazdi - video

Obuna boʻlish
Yandex newsTelegram
Rossiya Mudofaa vazirligi Plesetsk kosmodromidan "Sarmat" qitʼalararo ballistik raketasi muvaffaqiyatli uchirilganini maʼlum qildi.
TOSHKENT, 20 apr - Sputnik. Arxangelsk viloyatidagi Plesetsk kosmodromidan "Sarmat" - ogʻir qitʼalararo ballistik raketasi uchirildi, deb xabar qilmoqda Rossiya Mudofaa vazirligi.
"Uchirish boʻyicha topshiriqlar toʻliq bajarildi. Konstruktiv xarakteristikalar uning parvozining barcha bosqichlarida tasdiqlangan. Raketaning "oʻquv kallaklari" Kamchatka yarim orolidagi "Kura" poligonidagi "belgilangan" hududga yetib kelgan”, — deyiladi vazirlik xabarida.
Mudofaa vazirligining aniqlik kiritishicha, bu davlat test dasturida ilk bor amalga oshirilgan sinov. Raketaning istiqbolli namunasi parvoz sinovlari, "uni yaratishda belgilangan sxematik dizayn va texnik yechimlarning toʻgʻriligini baholashga imkon berdi", - deyilgan press-relizda.
Kutilganidek, sinovlar yakunlanganidan soʻng "Sarmat" strategik raketa qoʻshinlari tarkibiga kiradi. Ushbu komplekslar Krasnoyarsk yaqinidagi Ujursk raketa tarkibidagi bosh polkni jihozlaydi.
"Sarmat" strategik raketa tizimi boʻlib, u ogʻir toifadagi suyuq yonilgʻili ogʻir qitalararo ballistik raketa hisoblanadi. Bitta raketaning ogʻirligi 200 tonnadan oshadi va uning "foydali" yuk tashish imkoniyati (jangovar kallaklari ogʻirligi) 10 tonnadan ortiq. Majmua strategik raketa kuchlari tarkibidagi "Voyevoda" raketalarini almashtiradi.
Yangiliklar lentasi
0