Jamiyat

Uy-joyning “snos”ga tushganini aniqlash boʻyicha davlat xizmatlari koʻrsatiladi

© Sputnik / Amir IsayevSnos zdaniya, arxivnoye foto
Snos zdaniya, arxivnoye foto - Sputnik Oʻzbekiston, 1920, 21.04.2022
Obuna boʻlish
Yandex newsTelegram
Bino va turar joylarning buzilishga tushganlik holati haqida maʼlumotnoma olish uchun DXM yoki YAIDXPga murojaat qilinadi.
TOSHKENT, 21 apr — Sputnik. Oʻzbekistonda uy-joyning “snos”ga tushganini aniqlash boʻyicha davlat xizmatlari koʻrsatiladi. Bu Hukumat qarori bilan tasdiqlangan qurilish sohasiga oid yagona maʼmuriy qurilish reglamentlarida koʻzda tutilgan.
Qarorga koʻra, quyidagilar boʻyicha davlat xizmatlari koʻrsatishning maʼmuriy reglamentlari tasdiqlandi:
bino va inshootlarning tashqi koʻrinishini oʻzgartirishni kelishish;
bino va inshootlarning ixtisoslashishini oʻzgartirish, qayta qurish, rekonstruktsiya qilish hamda oʻz hududida qoʻshimcha bino va inshootlarni qurishni loyihalashtirishga ruxsatnoma berish;
arxitektura-rejalashtirish topshirigʻini ishlab chiqish;
loyiha-smeta hujjatlarini kelishish;
qurilish-montaj ishlarini boshlash uchun obʼyektni roʻyxatdan oʻtkazish;
qurilish-montaj ishlari tugallangan obʼyektdan foydalanish uchun ruxsatnoma berish;
koʻchmas mulk buzilishga tushgan yoki tushmaganligi toʻgʻrisida maʼlumotnoma berish.
Shunga muvofiq, jumladan, bino va turar joylarning buzilishga tushganlik holati haqida maʼlumotnoma olish uchun DXM yoki YAIDXPga murojaat qilinadi.
Maʼlumotnoma olish uchun arizalar YAIDXP orqali dam olish va bayram kunlaridan qatʼi nazar, 24 soat davomida yuborilishi mumkin.
Maʼlumotnoma 3 ish kunida rasmiylashtiriladi hamda ariza beruvchining elektron maziliga yuborilib, unga bu haqida xabar beriladi.
Yangiliklar lentasi
0