Madaniyat

Xorazmda “Lazgi” xalqaro raqs festivali boʻlib oʻtadi

© Muxiddin AliBaletnыy spektakl "Lazgi"
Baletnыy spektakl Lazgi - Sputnik Oʻzbekiston, 1920, 25.04.2022
Obuna boʻlish
Yandex newsTelegram
Tadbir YUNESKO, Turizm va madaniy meros vazirligi, Madaniyat vazirligi, Xorazm viloyati hokimligi va boshqa idoralar hamkorligida tashkil etilmoqda.
TOSHKENT, 25 apr — Sputnik. 25-30 aprel kunlari Xorazm viloyatining Xiva shahrida “Lazgi” xalqaro raqs festivali boʻlib oʻtadi. Bu haqda Turizm va madaniy meros vazirligi matbuot xizmati xabar berdi.
Qayd etilishicha, ushbu tadbir YUNESKO, Turizm va madaniy meros vazirligi, Madaniyat vazirligi, Xorazm viloyati hokimligi va boshqa idoralar hamkorligida tashkil etilmoqda. Unda 30 dan ortiq davlatdan 200 dan ortiq mehmonlar ishtirok etishi kutilmoqda.
Festival doirasida raqs sanʼatiga bagʻishlangan koʻrgazma pavilyonlari, milliy cholgʻu asboblari va liboslari, hunarmandchilik buyumlari, tasviriy va amaliy sanʼat asarlari, haykaltaroshlik namunalari, badiiy va hujjatli filmlar, audio va video disklar, kitoblar, albomlar, fotosuratlar namoyishi hamda ularni Ichan-qalʼa majmuasi hududida savdo qilish tashkil etilgan.
Maʼlumot uchun, “Lazgi” raqs tanlovi 3 ta nominatsiya: Eng yaxshi yakkaxon raqs ijrochisi, Eng yaxshi raqs jamoasi va Eng yaxshi sahnalashtirilgan raqs boʻyicha baholanadi.
Oʻzbek ijodkorlari Dubayda lazgi va balet aralash tomosha koʻrsatadi – video
Eslatib oʻtamiz, “Lazgi” Xorazm raqsi Oʻzbekiston madaniy merosining elementi sifatida Insoniyatning nomoddiy madaniy merosi reprezentativ roʻyxatiga kiritilgan. Bu haqdagi qaror 2019 yil 12 dekabr kuni YUNESKO ning Nomoddiy madaniy merosni muhofaza qilish boʻyicha hukumatlararo qoʻmitasining 14-sessiyasida qabul qilingan.
Yangiliklar lentasi
0