Turizm

Iyuldan turizm qishloqlari uchun qoʻshimcha imtiyozlar beriladi

© Sputnik / Ramiz BaxtiyarovKishlak Yangiturmush
Kishlak Yangiturmush - Sputnik Oʻzbekiston, 1920, 27.04.2022
Obuna boʻlish
Yandex newsTelegram
Qishloqlarda mehmon uylari tashkil etishga 50 million soʻmgacha, oʻtov lagerlari va eko-uylarga 300 million soʻmgacha, chodirli lagerlar qurishga 300 million soʻmgacha kreditlar beriladi.
TOSHKENT, 27 apr — Sputnik. Oʻzbekistonda 1 iyuldan turizm qishloqlari uchun qoʻshimcha imtiyozlar beriladi.Bu haqda prezident Shavkat Mirziyoyev raisligida boʻlib oʻtgan turizm sohasini yanada rivojlantirishga bagʻishlangan yigʻilishda maʼlum qilindi.
Xususan, 1 iyuldan boshlab:
turizm qishloqlarida mehmon uylari, ovqatlanish va savdo shoxobchalari, koʻngilochar joylar tashkil etgan tadbirkorlar 3 yil davomida aylanmadan olinadigan soliq va ijtimoiy soliqni 1 foiz stavkada, mol-mulk, yer, suv soliqlarini hisoblangan summadan bor yoʻgʻi 1 foizini toʻlaydi.
oilaviy tadbirkorlik dasturlari doirasida ushbu qishloqlarda mehmon uylari tashkil etishga 50 million soʻmgacha, oʻtov lagerlari va eko-uylar majmuasiga 300 million soʻmgacha, chodirli lagerlar qurishga 300 million soʻmgacha kreditlar beriladi.
Qayd etilishicha, Chiroqchidagi Taragʻay va Langar qishloqlari aholisi kamida 100 tadan mehmon uylari tashkil etish tashabbusini bildirgan.
Endi har yili turizm qishloqlarining 200 nafar yoshlari byudjet hisobidan turizm texnikumlarida bepul oʻqitiladi.
135 ta ixtisoslashgan mahallada 2,5 mingta loyiha uchun shu yilda 250 milliard soʻm va 50 million dollar ajratiladi.
Oʻzbekiston boʻylab sayohat qilayotgan fuqarolar uchun keshbek tizimi joriy etiladi
Maʼlumot uchun, prezidentning 5781-sonli farmoni bilan fuqarolar yigʻinlari hududlarida 20 tadan kam boʻlmagan oilaviy mehmon uylari sayyohlarga besh xil xizmat turini koʻrsatsa, ularga "Turizm mahallasi", "Turizm qishlogʻi" yoki "Turizm ovuli" maqomi beriladi.
Yangiliklar lentasi
0