Sport

Besh metrdan uzoqqa sakragan oʻzbek sportchisi Osiyo rekordini yangiladi

© Sputnik / Ramil Sitdikov Sorevnovaniya po prыjkam v dlinu, arxivnoye foto
 Sorevnovaniya po prыjkam v dlinu, arxivnoye foto - Sputnik Oʻzbekiston, 1920, 07.05.2022
Obuna boʻlish
Yandex newsTelegram
Para yengil atletika: “Italian Open 2022”da 4 ta oltin, 1 ta kumush va 3 ta bronza medali qoʻlga kiritildi.
TOSHKENT, 7 may — Sputnik. Italiyada para yengil atletika boʻyicha “Italian Open 2022” xalqaro Gran-Pri turniri boʻlib oʻtmoqda. Turnirning birinchi va ikkinchi kuni oʻzbekistonlik sportchilar uchun muvaffaqiyatli boshlandi. Bu haqda Sportni rivojlantirish vazirligi xabar berdi.
Birinchi kun
Musobaqaning dastlabki kunida erkaklar oʻrtasida uzunlikka sakrash bahslarining T36 klassida Izzat Turgʻunov 5 metru 61 santimetr masofaga sakradi. U Osiyo rekordini yangiladi va oltin medalga sazovor boʻldi.
Xuddi shu klassda Jamoliddin Akobirov 4 metru 26 santimetr natija bilan bronza medalini qoʻlga kiritdi.
Bundan tashqari, ayollar oʻrtasida klab uloqtirish boʻyicha F32 klassida Mahliyo Akramova 17 metru 69 santimetr natija qayd etdi va oltin medal egasiga aylandi.
Ikkinchi kun
Erkaklar oʻrtasida T13 klassida 100 metr masofaga yugurish bahslarida Doniyor Ahmedov oltin medalni qoʻlga kiritdi.
Xuddi shu masofaga T36 klassida yugurishda ishtirok etgan Izzat Turgʻunov ham oltin medalga sazovor boʻldi.
Bundan tashqari, ayolllar oʻrtasida T11 klassida 100 metr masofaga yugurishda Asila Mirzayorova 3-natijani qayd etdi va bronza medalini qoʻlga kiritdi.
Ayni damda delegatsiya hisobida 4 ta oltin, 1 ta kumush va 3 ta bronza medali mavjud.
Yangiliklar lentasi
0