Siyosat

Dunyo ulkan oʻzgarishlarni boshdan kechirmoqda – Norov

© Press-slujba MID UzbekistanaVladimir Norov i Tanzila Narbayeva na tashkentskom forume narodnoy diplomatii SHOS
Vladimir Norov i Tanzila Narbayeva na tashkentskom forume narodnoy diplomatii SHOS - Sputnik Oʻzbekiston, 1920, 11.05.2022
Obuna boʻlish
Yandex newsTelegram
Oʻzbekiston tashqi ishlar vaziri vazifasini bajaruvchining soʻzlariga koʻra, mamlakat soʻnggi vaqtlarda mintaqa davlatlari bilan ishonchli munosabatlar va ochiq muloqotni mustahkamlagan.
TOSHKENT, 11 may — Sputnik. Bugun dunyo ulkan oʻzgarishlarni boshdan kechirmoqda, jadal rivojlanish va global yangilanishlar davriga qadam qoʻymoqda. Bu haqda Oʻzbekiston tashqi ishlar vaziri vazifasini bajaruvchi Vladimir Norov Toshkentdagi Xalq diplomatiyasi forumi davomida maʼlum qildi, deb xabar qilmoqda Sputnik muxbiri.
Norovning soʻzlariga koʻra, bunday sharoitda Shanxay hamkorlik tashkiloti (SHHT) “Shanxay ruhi”ning oʻziga xos tamoyillariga tayangan holda xalqaro huquq, koʻp tomonlama va ajralmas xavfsizlikka asoslangan koʻp markazli dunyo tartibini mustahkamlashga munosib hissa qoʻshmoqda.
U shu bilan birga, aʼzo davlatlar Markaziy Osiyoning tashkilot makonining faravonligi va rivojlanishidagi muhim oʻrnini eʼtirof etishini taʼkidladi.
Oʻzbekiston soʻnggi vaqtlarda mintaqa davlatlari bilan ishonchli munosabatlar va ochiq muloqotni mustahkamlagan. Dolzarb ikki tomonlama va mintaqaviy masalalarning aksariyat qismini ishonch va oʻzaro manfaatlarni hisobga olgan holda hal etish boʻyicha oʻzaro anglashuvga erishilgan.
“SHHT tamaddunlar oʻrtasidagi muloqotni faol va izchil rivojlantirishga koʻmaklashadi, turli madaniyat va anʼanalarga ega xalqlar oʻrtasida koʻpriklar barpo etadi”, - dedi vazir.
TIV rahbari SHHT makonida xalq diplomatiyasini rivojlantirish uchun mamlakatlarimiz yosh avlodining ulkan salohiyatidan foydalanish zarurligini qayd etdi.
SHHT makonida 800 milliondan ortiq yoshlar istiqomat qiladi, bu dunyo yoshlarining deyarli yarmi boʻlib, ularga oʻz salohiyatini rivojlantirish uchun toʻgʻri yoʻnalish va shart-sharoit berilishi zarur.
Buning uchun SHHTda Yoshlar kengashi, SHHT universiteti, SHHT modeli, Ishbilarmonlik kengashi, “SCOLAR Network” yoshlar platformasi va boshqalarni oʻz ichiga olgan keng jamoatchilik mexanizmlari tizimi mavjud.
“Bugungi Forum natijalari, uning doirasida yuzaga kelgan gʻoya va loyihalar mamlakatlarimiz oʻrtasidagi yaqinlashuv yoʻlidagi yana bir muhim qadam boʻladi. Oʻzbekiston ashkilot makonida xalq diplomatiyasining maqsad va vazifalarini ilgari surishda davom etadi”, - deya xulosa qildi Norov.
Toshkentda Oʻzbekistonning Shanxay hamkorlik tashkilotidagi raisligi doirasida “Xalq diplomatiyasi – taraqqiyot uchun oʻzaro anglashuv” mavzusida SHHT Xalq diplomatiyasi forumi boʻlib oʻtmoqda. Forum 11-12 may kunlari davom etadi.
Yangiliklar lentasi
0