Jamiyat

OTMga hujjat topshirishdan avval uning litsenziyasini tekshiring - Taʼlim inspektsiyasi

© SputnikSdacha vstupitelnыx ekzamenov na stadione "Bunyodkor"
Sdacha vstupitelnыx ekzamenov na stadione Bunyodkor - Sputnik Oʻzbekiston, 1920, 13.05.2022
Obuna boʻlish
Yandex newsTelegram
Ayrim holatlarda litsenziyaga ega boʻlmagan yoki faqatgina oʻquv markazi huquqiga ega boʻlgan baʼzi tashkilotlar oʻzini xususiy oliygoh sifatida tanishtirib abituriyentlarni oʻqishga jalb qilmoqda.
TOSHKENT, 13 may — Sputnik. Litsenziyasi yoʻq nodavlat OTMlarga aldanib qolmang, deb ota-onalarni hushyorlikka chaqirdi Taʼlim sifatini nazorat qilish davlat inspektsiyasi AOKAda oʻtkazilgan brifingda.
Inspektsiya axborot xizmati rahbari Shavkat Xoʻjaqulov aytishiga koʻra, abituriyentlar va ularning ota-onalari qaysidir nodavlat oliy taʼlim tashkilotiga pul toʻlashdan avval ularning litsenziyasi bor-yoʻqligini tekshirib koʻrishlari kerak.
“Litsenziyaga hujjat topshirganmiz, yaqinda berishadi, ungacha oʻqib turavering kabi gaplarga ishonib qolmang”, deydi Shavkat Xoʻjaqulov.
Nodavlat OTM tomonidan beriladigan diplomlar Oʻzbekistondagi boshqa oliy taʼlim muassasalari diplomlari qatorida tan olinadi.
Aytilishicha, ayrim holatlarda litsenziyaga ega boʻlmagan yoki faqatgina oʻquv markazi huquqiga ega boʻlgan baʼzi tashkilotlar oʻzini xususiy oliygoh sifatida tanishtirib abituriyentlarni oʻqishga jalb qilmoqda.
Litsenziya olmagan nodavlat oliy taʼlim tashkilotlari tomonidan berilgan diplomlar tan olinmaydi. Shavkat Xoʻjaqulovning soʻzlariga koʻra, mamlakatda nodavlat oliy taʼlim tashkiloti sifatida litsenziya olishda hech qanday yoʻq.
Maʼlumot uchun, 2018 – 2020 yillar oraligʻida litsenziyaga ega boʻlgan nodavlat oliy taʼlim tashkilotlari soni 13 tani tashkil etgan boʻlsa, oʻtgan yilning oʻzida 21 ta nodavlat oliy taʼlim tashkiloti litsenziyalandi.
Litsenziyasi bor nodavlat OTM roʻyxati bilan Taʼlim inspektsiyasi sayti orqali tanishish mumkin.
Yangiliklar lentasi
0