Jamiyat

Rossiya kompaniyasi Toshkentda koʻchmas mulk xaritasini yaratishi mumkin

© Sputnik / A. Varfolomeyev / Fotobankka oʻtishProspekt imeni Mirzo-Ulugbeka v Tashkente
Prospekt imeni Mirzo-Ulugbeka v Tashkente - Sputnik Oʻzbekiston, 1920, 16.05.2022
Obuna boʻlish
Yandex newsTelegram
Toshkent shahar hokimligi Rossiya kompaniyasi bilan poytaxtdagi koʻchmas mulk obʼyektlari xaritasini ishlab chiqish masalasini muhokama qildi.
TOSHKENT, 16 may - Sputnik. Toshkent shahar hokimligi Rossiyaning “Commonwealth Partnership” konsalting kompaniyasi bilan Oʻzbekiston poytaxtidagi koʻchmas mulk obʼyektlari xaritasini ishlab chiqish boʻyicha hamkorlik qilish imkoniyatlarini koʻrib chiqmoqda. Bu haqda hokimlik matbuot xizmati xabar berdi.
Qayd etilishicha, 13 may kuni hokimlikda ushbu kompaniya rahbariyati – boshqaruvchi hamkor Sergey Ryabokobilko va tadqiqot boʻlimi rahbari Denis Sokolov bilan uchrashuv boʻlib oʻtgan.
Uchrashuv davomida Denis Sokolov “Toshkent aglomeratsiyasida xizmat koʻrsatish sohasini rivojlantirish” loyihasini taqdim etgan.
Loyihaga muvofiq:
poytaxtning koʻchmas mulk xaritasini yaratish;
ofis koʻchmas mulkining tasnifi;
koʻchmas mulk bilan bogʻliq operatsiyalar uchun sharoit yaratish;
barqaror koʻchmas mulk bozorini bosqichma-bosqich rivojlantirish boʻyicha yoʻl xaritasini oʻz ichiga oladi.
Maʼlumot uchun, Rossiyaning Rostec korporatsiyasiga tegishli “Shvabe” xoldingi Oʻzbekistonning “Tech Age” kompaniyasi bilan shartnoma tuzgan edi. Tomonlar birgalikda Oʻzbekiston shahar infratuzilmasiga intellektual transport tizimlarini (ITT) joriy etishni rejalashtirmoqda.
Eslatib oʻtamiz, 2022 yil boshidan beri Oʻzbekistonda Rossiya kapitali ishtirokidagi korxonalar soni koʻpaya boshladi. Xususan yanvar oyida 23 ta yangi kompaniya tashkil etilgan boʻlsa, aprelning oʻzida ularning soni 103 taga oshgan, shundan 45 tasi AKT yoʻnalishidagi kompaniya hisoblanadi.
Yangiliklar lentasi
0