Video

“Azovstaldagi” ukrainalik jangarilar taslim boʻlishda davom etmoqda

Obuna boʻlish
Yandex newsTelegram
16 maydan buyon“Azovstal” zavodi hududida jami 959 nafar jangari taslim boʻlgan.
Mariupoldagi “Azovstal” zavodida qurshovga olingan “Azov” millatchi boʻlinma jangarilari va ukrainalik harbiy xizmatchilar asirga tushishda davom etmoqda. Bu haqda Rossiya Mudofaa vazirligi maʼlum qildi.
16 may kuni 265 jangari asirga tushgan, 17 may kuni esa yana 694 harbiy qurolini topshirgan. Taslim boʻlganlarning 80 nafari yaradorlar.
Yaradorlarni DXRdagi Novoazovsk kasalxonasiga yuborishmoqda. U yerda ularga malakali tibbiy yordam koʻrsatiladi.
Rossiya Tergov qoʻmitasi matbuot xizmatining xabar berishicha, tergovchilar jangarilarni Ukraina rejimining Donbassning tinch aholisiga qarshi jinoyatlari haqidagi jinoiy ish surishtiruvi doirasida soʻroq qilishadi.
Eslatib oʻtamiz, Rossiya Qurolli kuchlari va DXR mudofaa kuchlari Mariupol shahrini 7 mart kuni qurshab olishgan edi. 21 aprel kuni Rossiya mudofaa vaziri Sergey Shoygu shahar toʻliq ozod qilinganini eʼlon qildi, biroq “Azovstal” zavodida ukrainalik millatchi batalonining ikki mingdan ortiq jangarilari qolayotganini taʼkidlagan edi. Rossiya prezidenti Vladimir Putin sanoat zonasiga hujumni toʻxtatishni, ammo "hatto pashsha uchib chiqa olmaydigan darajada” toʻsib qoʻyishni buyurgan edi.
Yangiliklar lentasi
0