Iqtisod

Yuqori likvidli mahsulotlarni birjada sotish ustidan nazorat oʻrnatiladi - prezident

© JCementTovarno-sыryevaya birja Uzbekistana
Tovarno-sыryevaya birja Uzbekistana - Sputnik Oʻzbekiston, 1920, 18.05.2022
Obuna boʻlish
Yandex newsTelegram
Shavkat Mirziyoyev mineral oʻgʻitlar, kaustik soda, chigit va paxta moyi kabi yuqori likvidli mahsulotlarni birja orqali sotishni nazorat qilishni topshirdi.
TOSHKENT, 17 may — Sputnik. Yuqori likvidli mahsulotlarni birja savdolariga qoʻyish ustidan nazorat oʻrnatiladi. Bu haqida prezident Shavkat Mirziyoyev huzurida boʻlib oʻtgan birja savdosiga bagʻishlangan videoselektor yigʻilishida maʼlum boʻldi.

Suyuq mineral oʻgʻitlar, neft koksi, nafta, kaustik soda, suyuq uglerod oksidi va texnik kislorod, metall prokat list va poʻlat sharlar, barda kabi mahsulotlarni birja orqali sotishni boshlanadi, - deyilgan xabarda.

Ayrim turdagi yuqori likvidli tovarlar birjaga qoʻyilmagani oqibatida ularning narxlarida oʻsish kuzatilmoqda. Xususan, Oʻtgan yilgi paxta hosilidan qariyb 1,5 million tonna texnik chigit olingan boʻlsada, shundan birjaga 939 ming tonnasi yoki 56 foizi chiqarilgan. Yoki, birjadan chigit olgan 119 ta yogʻ-moy korxonalaridan 20 tasi paxta yogʻini birja savdolariga umuman qoʻymagan.
Shu bois yuqori likvidli mahsulotlarni birja savdolariga qoʻyilgani ustidan tizimli nazorat oʻrnatish vazifasi qoʻyildi.
Bunda birjaga qoʻyish majburiy boʻlgan tovarlarni, ayniqsa texnik chigit va paxta yogʻini toʻgʻridan-toʻgʻri sotgan korxonalarga nisbatan javobgarlik kuchaytiriladi.
Undan tashqari, videoselektor yigʻilishida Shavkat Mirziyoyev qishloq xoʻjalik hamda sanoat mahsulotlarini birjaga chiqarish boʻyicha alohida topshiriqlar berdi.
Ushbu maqsadda har bir viloyat, tuman va shahar hokimlari tadbirkorlar bilan uchrashib, va ularning maʼlum miqdordagi mahsulotlarni birjaga olib chiqish boʻyicha oyma-oy rejala tuzishni topshirdi.
Shuningdek, soha uchun har yili kamida 1 mingta mutaxassis tayyorlab, ularning bandligini taʼminlashi zarurligi taʼkidlandi. Bunda kamida 100 ta nogironligi bor yoshlarni bepul oʻqitib, sohada ishga qabul qilish topshirildi.
Yangiliklar lentasi
0