Iqtisod

Uran zahiralari xalqaro standart boʻyicha baholanadi - prezident

© Wikipedia / public domainRadioaktivnыy element
Radioaktivnыy element - Sputnik Oʻzbekiston, 1920, 20.05.2022
Obuna boʻlish
Yandex newsTelegram
Shavkat Mirziyoyev “Navoiyuran” korxonasini transformatsiya qilish hamda Respublikada aniqlangan uran zaxiralarini xalqaro standartlarga asosan baholash vazifasini qoʻydi.
TOSHKENT, 20 may - Sputnik. Prezident Shavkat Mirziyoyev “Navoiyuran” davlat korxonasini transformatsiya qilish, xorijiy mutaxassislarni jalb etib, texnologik jarayonlarni takomillashtirish boʻyicha koʻrsatmalar berdi.

Uzbekistonda soʻnggi yillarda uran boʻyicha 27 ta yangi kon ochilib, barqaror xomashyo bazasi yaratilgan. <...> Uran zaxirasini xalqaro standartlarga muvofiq baholash, soʻnggi texnologiyalar asosida rudadan uranni ajratib olish darajasini oshirish muhimligi qayd etildi.

Davlat rahbarijahon bozorida uran narxi barqaror oʻsib borayotgani, yangi loyihalarda bu xomashyoni qayta ishlash va qoʻshilgan qiymat yaratishga alohida eʼtibor qaratish kerakligini taʼkidladi.
Ushbu maqsadga erishi uchun sohaga malakali kadrlar kerakligi ham qayd etildi. Xususan 300nafar oʻrta boʻgʻin mutaxassislarini tayyorlash uchun Zarafshon, Angren va Gʻuzordagi texnikumlarda geologiyaga ixtisoslashgan yoʻnalishlarni koʻpaytirish taʼkidlandi.
Yangi va istiqbolli konlarni tayyorlash, ularga investorlarni jalb qilish maqsadida Oʻzbekiston Tiklanish va taraqqiyot jamgʻarmasi huzurida “Yangi kon” loyiha ofisi tashkil etiladi. Uning ustav kapitaliga 15 million dollar ajratiladi. Ushbu loyiha ofisi litiy, alyuminiy, magniy, grafit va boshqa nodir metallarni ishlab chiqarish boʻyicha investitsiya loyihalarini amalga oshiradi.
Undan tashqari, taqdimotda suv tanqisligi muammosini hal qilish maqsadida yerosti suv zahiralaridan aql bilan foydalanish zarurligi qayd etildi. Prezident mutasaddi tashkilotlarga yerosti suvi zaxiralarini koʻpaytirish va ulardan oqilona foydalanishni tashkil etish boʻyicha topshiriqlar berdi.
Yangiliklar lentasi
0