Sport

Alisher Saʼdullayev yangi lavozimga saylandi

Alisher Saʼdullayev - Sputnik Oʻzbekiston, 1920, 24.05.2022
Obuna boʻlish
Yandex newsTelegram
Yoshlar ishlari agentligi direktori Shaxmat federatsiyasiga rais boʻldi.
TOSHKENT, 24 may — Sputnik. Alisher Saʼdullayev Oʻzbekiston shaxmat federatsiyasining raisi etib saylandi. Bu haqda OʻzA xabar berdi.
Federatsiya raisligidan tashqari Alisher Saʼdullayev ayni vaqtda Yoshlar ishlari agentligi direktori hamda Oliy Majlis Senati aʼzosi hisoblanadi.
Alisher Saʼdullayev 1994 yil 11 iyulda Jizzax viloyatida tugʻilgan. Toshkentdagi Singapur menejmentni rivojlantirish institutini (MDIST) bitirgan. 2017 yil iyul oyigacha Result oʻquv markazini boshqarib kelgan. 2017 yil iyul oyidan 2018 yil oktyabr oyigacha Xalq taʼlimi vazirining oʻrinbosari lavozimida ishlagan.
Eslatib oʻtamiz, Oʻzbekiston shaxmat federatsiyasiga 2021 yilning yanvar oyida bosh vazir oʻrinbosari Aziz Abduhakimov rais etib saylangan edi.
Maʼlumot uchun, prezidet Shavkat Mirziyoyevning tegishli qarori bilan Shaxmatni 2025 yilgacha rivojlantirishning maqsadli koʻrsatkichlari tasdiqlangan. Unga koʻra Oʻzbekistondagi barcha maktablarda “Shaxmat sinflari” ochilishi, 150 ta ixtisoslashtirilgan shaxmat maktabi tashkil etilishi belgilangan. 2025 yilga qadar shaxmat bilan muntazam shugʻullanuvchilar sonini 3 foizga yetkazish nazarda tutilgan.
Yangiliklar lentasi
0