Jamiyat

Kosmik monitoring va geoaxborot texnologiyalari markazi tashkil etiladi

© Depositphotos / RottenmanSputnik v kosmose u Zemli
Sputnik v kosmose u Zemli  - Sputnik Oʻzbekiston, 1920, 24.05.2022
Obuna boʻlish
Yandex newsTelegram
Yangi markaz kosmik monitoring ishlarini amalga oshiradi va davlat boshqaruv organlarini kosmik suratlar bilan taʼminlab boradi.
TOSHKENT, 24 may — Sputnik. Oʻzbekistonda "Oʻzbekkosmos" agentligi tizimida Kosmik monitoring va geoaxborot texnologiyalari markazi tashkil etiladi. Bu haqda “Oʻzbekkosmos” xabar berdi.
Ushbu markaz kosmik monitoring ishlarini amalga oshirish va davlat boshqaruv organlarini kosmik suratlar bilan taʼminlash, shuningdek ijtimoiy-iqtisodiy, ilm-fan, mudofaa va xavfsizlik sohalarida kosmik faoliyat natijalaridan samarali foydalanishni yoʻlga qoʻyish maqsadida ishga tushiriladi.
Markaz quyidagi faoliyatni olib boradi:
sunʼiy yoʻldosh apparatlari orqali Yerni masofadan zondlash, uning maʼlumotlarini qabul qilish, saqlash, qayta ishlash va uzatish;
kosmik sohaga oid xizmatlarni koʻrsatish;
kosmik sohaga ilmiy va innovatsion texnologiyalarni keng jalb etish maqsadida mazkur sohadagi ilmiy va innovatsion ishlarni amalga oshirish;
kosmik va geoaxborot texnologiyalari, shuningdek, uchuvchisiz uchish apparatlari yordamida iqtisodiyot tarmoqlari, mudofaa va xavfsizlik sohalari hamda hududlarning ijtimoiy-iqtisodiy faoliyati samaradorligini oshirishga koʻmaklashish.
Qolaversa, markaz xoʻjalik birlashmalari, mahalliy ijro etuvchi hokimiyat organlari, jismoniy va yuridik shaxslar uchun Yerni masofadan zondlash maʼlumotlarini taqdim etish va kosmik sohaga oid boshqa xizmatlarni koʻrsatadi.
Yangiliklar lentasi
0