Sport

Oʻzbekiston etnosport turlarini ommalashtiradi

© Sputnik / Ramiz BaxtiyarovKanatoxodets v parke "Navruz"
Kanatoxodets v parke Navruz - Sputnik Oʻzbekiston, 1920, 26.05.2022
Obuna boʻlish
Yandex newsTelegram
Xivada Xalqaro etnosport festivali, Toshkentda esa “Uzbekistan Ethno Games” respublika festivali oʻtkaziladi.
TOSHKENT, 26 may — Sputnik. 2023 yildan Xivada har ikki yilda bir marotaba Xalqaro etnosport festivali tashkil qilinadi. Bu prezident imzolagan etnosport turlarini ommalashtirish va rivojlantirishga oid qarorda nazarda tutilgan.
Hujjat milliy sport turlari hamda xalq oʻyinlarini (etnosport) targʻib qilish va ommalashtirish, bolalar va oʻsmirlarni ularga keng jalb qilish, xalqaro aloqalarni kuchaytirish maqsadida qabul qilindi.
Unga koʻra, 2023 yildan boshlab etnosportni rivojlantirishda quyidagi ishlar amalga oshiriladi:
Toshkentda har yili bir marotaba etnosport turlari boʻyicha “Uzbekistan Ethno Games” respublika festivali oʻtkaziladi;
yangi oʻquv yilidan Respublika estrada tsirk kollejida polvonlik va dorbozlik sanʼati yoʻnalishida oʻrta boʻgʻin kadrlarni tayyorlash boshlanadi;
har ikki yilda bir marotaba polvonlar va dorbozlar ishtirokida “Polvonlar sulolasi” koʻrik-tanlovini oʻtkaziladi;
Oʻzbekistonda YUNESKO tomonidan nomoddiy madaniy meros maqomi berilishi mumkin boʻlgan etnosport turlari roʻyxati shakllantiriladi;
mahallalarda etnosport turlari boʻyicha xalq oʻyinlari va musobaqalar oʻtkaziladi.
Shuningek, “ustoz-shogird” anʼanasi asosida davom etib kelayotgan polvonlik va dorbozlik sanʼatini yanada kengroq ommalashtirish maqsadida polvonlik va dorbozlik sanʼati toʻgaraklarini tashkil etiladi.
2023 yil 1 yanvarga qadar har bir hududda ot sporti turlariga tegishli boʻlgan anjomlarning savdosini yoʻlga qoʻyish maqsadida doʻkonlarfaoliyati yoʻlga qoʻyiladi.
Maʼlumot uchun, “etnosport” sport tadbirlarining zamonaviy folʼklor shakli boʻlib, anʼanaviy oʻyinlarning haqiqiyligini saqlab qolish va ularni ishtirokchilar va tomoshabinlar idroki uchun dolzarblashtirish imkonini beradi.
Etnosport nazariyasi 2011 yilda rossiyalik olim Aleksey Kilasov tomonidan ishlab chiqilgan va u Butunjahon etnosport asoschisi boʻlgan.
Hozirda jahon etnosporti (jamiyati) barcha qitʼalardagi 48 davlatdan olimlar, anʼanaviy oʻyin va etnosport tadbirlari tashkilotchilarini birlashtiradi. Oʻzbekistondan Ravshanxon Djurayev maslahat kengashi aʼzosi hisoblanadi.
Yangiliklar lentasi
0