Sport

Oʻzbekistonlik dzyudochilar “Katta dubulgʻa” turnirida qatnashadi

Dzyudo - Sputnik Oʻzbekiston, 1920, 26.05.2022
Obuna boʻlish
Yandex newsTelegram
Qisqa tanaffusdan soʻng dzyudo yana qaytmoqda. 3-5 iyun kunlari Gruziya poytaxtida “Katta dubulgʻa” turniriga start beriladi.
TOSHKENT, 26 may — Sputnik. Gruziya poytaxti Tbilisida boʻlib oʻtadigan “Katta dubulgʻa” turnirida Oʻzbekistondan qatnashadigan dzyudochilar tarkibi maʼlum boʻldi. Bu haqda Olimpiya qoʻmitasi xabar berdi.
Turnir 3-5 iyun kunlari boʻlib oʻtadi. Unda dunyoning 38 davlatidan 300 nafarga yaqin sara polvonlar ishtirok etadi.
“Hozirda Ilias Iliadis boshchiligidagi Oʻzbekiston jamoasi Samarqandda boʻlajak soʻnggi tayyorgarlikni olib bormoqda”, - deyiladi xabarda.
Murabbiylar shtabining qaroriga koʻra, Tbilisi musobaqasida deyarli zaxira vakillaridan iborat erkaklar terma jamoasi qatnashadi.
Bu orqali ularga jahon reytingi uchun qimmatli ochkolarini jamgʻarib olish imkoniyati taqdim qilinmoqda.
Toʻliq tarkib quyidagicha:
-60 kg: Dilshodbek Baratov
-60 kg: Mirzohid Mahammadjonov
-66 kg: Muhriddin Tilovov
-66 kg: Bobur Vadjiyev
-73 kg: Obidxon Noʻʼmonov
-73 kg: Murodjon Yoʻldoshev
-81 kg: Sharofiddin Boltaboyev
-81 kg: Ulugʻbek Oʻroqov
-90 kg: Bahodir Panjiyev
-90 kg: Jaloliddin Qurbonmurodov
-100 kg: Otabek Toʻraboyev
+100 kg: Alisher Yusupov
+100 kg: Shohruh Baxtiyorov
Maʼlumot uchun, ushbu turnir oʻtgan yili ilk bor Tbilisida oʻtkazilgan va koronavirus pandemiyasi tufayli unda tomoshabinlar ishtirok etmagandi.
Yangiliklar lentasi
0