Rossiya

Rossiya musulmonlarini Afgʻonistonga gumanitar missiya bilan boradi

© Sputnik / Maksim Blinov / Fotobankka oʻtishPrazdnik Uraza-bayram v Rossii
Prazdnik Uraza-bayram v Rossii - Sputnik Oʻzbekiston, 1920, 26.05.2022
Obuna boʻlish
Yandex newsTelegram
Rossiya musulmonlari diniy idorasi Afgʻoniston xalqiga keng koʻlamli insonparvarlik yordamini tashkil etadi.
TOSHKENT, 26 may — Sputnik. Rossiya musulmonlari diniy idorasi (DUM RF) yoz oylarida Afgʻoniston xalqiga keng koʻlamli insonparvarlik yordamini tashkil qiladi. Bu haqda idora raisi oʻrinbosari Ildar Alyautdinovga tayanib, “RIA Novosti” xabar bermoqda.
Qayd etilishicha, Afgʻonistonning Moskvadagi muvaqqat ishlar vakili Jamol Nosir Garval bilan birgalikda shartlar kelishib olingan. Rossiya musulmonlari delegatsiyasining Kobulga, shuningdek, boshqa shahar va viloyatlarga tashrifi shu yilning yozida boʻlib oʻtadi.
Rossiya musulmonlari afgʻonlarga yordam tariqasida dori-darmon va issiq kiyimlar yetkazib beradi.
“Afgʻonistonga tashrifda “Zakot” xayriya jamgʻarmasi ishtirok etadi. Jamgʻarma kambagʻallarga yordam yigʻish, yetkazib berish va taqsimlashni taʼminlaydi”, dedi Rossiya Federatsiyasi DUM raisi oʻrinbosari.
Shuningdek, u rossiyalik musulmonlar millati va dinidan qatʼi nazar barchaga insonparvarlik yordamini koʻrsatishini taʼkidladi.
“Agar kimdir yordamga muhtoj boʻlsa, biz unga yordam berishga intilamiz. Suriya, Livan, Afrika va Osiyo mamlakatlarida ham shunday boʻlgan”, deydi diniy qoʻmita vakili.
Taʼkidlanishicha, rossiyaliklar yordam kerak boʻlgan, och qolgan ayollar, bolalar va qariyalarga parvo qilmasdan oʻtib keta olmaydi.
“Bu holatda yordam olayotganlar bizni ruslardek koʻradi va biz oʻz harakatimizni oʻz davlatimiz bayrogʻi ostida amalga oshiramiz”, deya xulosa qildi Ildar Alyautdinov.
Rossiya Musulmonlar diniy idorasi (Duxovnoye upravleniye musulman RF) - 1994 yilda tashkil qilingan boʻlib, Rossiyadagi barcha musulmon jamoalarini birlashtiradi. DUM RF tarkibida Rossiyaning 40ga yaqin viloyatlaridan 400ga yaqin musulmon jamoalari kiradi. DUM tarkibida shuningdek bir qator islomiy oliy va oʻrta taʼlim muassasalari, nashrlar va xayriya fondlari ham kiradi.
Yangiliklar lentasi
0