Dunyoda

Erdogʻanning Shvetsiya va Finlyandiya bilan boʻlgan muzokaralardan koʻngli toʻlmadi

© Sputnik / Sergey Guneyev / Fotobankka oʻtishPrezident Turtsii Redjep Tayip Erdogan
Prezident Turtsii Redjep Tayip Erdogan - Sputnik Oʻzbekiston, 1920, 30.05.2022
Obuna boʻlish
Yandex newsTelegram
Erdogʻan Finlyandiya va Shvetsiyani “insofsiz va nosamimiy”lik qilayotganini aytib, ularni “terrorchilarni himoya qilishda” aybladi.
TOSHKENT, 30 may — Sputnik. Turkiya prezidenti Rajab Tayyip Erdogʻan Shvetsiya va Finlyandiya delegatsiyalari vakillari bilan ushbu mamlakatlarning NATOga aʼzo boʻlish istiqbollari boʻyicha oʻtkazilgan muzokaralar natijalaridan qoniqmadi. Bu haqda TRT telekanali xabar bermoqda.
“Afsuski, delegatsiyalar uchrashuvi biz kutgan darajada boʻlmadi”, - dedi Turkiya rahbari.
Shuningdek, Erdogʻan Finlyandiya va Shvetsiyani “insofsiz va nosamimiy”lik qilayotganini aytib, ularni “terrorchilarni himoya qilishda” aybladi.
“Erdogʻan Turkiya prezidenti ekan, biz terrorizmni qoʻllab-quvvatlovchi mamlakatlarning NATOga kirishiga aniq “ha” deb ayta olmaymiz”, - deya qoʻshimcha qildi u.
Kutilmagan qarshilik: NATOda kim shvedlar va finlar kelishidan xursand emas?
Maʼlumot uchun, 25 may kuni Anqarada Turkiya, Shvetsiya va Finlyandiya oʻrtasida boʻlib oʻtgan muzokaralardan soʻng, Turkiya prezidenti matbuot kotibi Ibrohim Kalin Turkiya Anqara xavfsizlikka oid choralar koʻrilmasa, Shvetsiya va Finlyandiyaning NATOga aʼzo boʻlish tashabbusi oldinga siljimasligini ochiq aytdi.
Turkiya Finlyandiya va Shvetsiyaning NATOga aʼzo boʻlish uchun arizalarini koʻrib chiqish boshlanishiga toʻsqinlik qilmoqda. Erdogʻanning soʻzlariga koʻra, Anqara ularning alyansga kirish istagini qoʻllab-quvvatlamaydi, chunki Skandinaviya davlatlarining Turkiyada taqiqlangan Kurdiston ishchi partiyasi (Partiya Karkerên Kurdistan – PKK) vakillari bilan aloqalari haqidagi bayonotlariga ishonmaydi. Uning qoʻshimcha qilishicha, agar ular blokka qoʻshilsa, NATO “xavfsizlik tashkiloti boʻlmaydi, balki terrorchilarning koʻplab vakillari toʻplanadigan joyga aylanadi”. Nomzodlar alyansga kirishi uchun barcha aʼzolarning roziligi talab qilinadi.
Erdogʻan AQShni Suriyadagi terrorchilarga qurol-yarogʻ yetkazib berishda aybladi
Yangiliklar lentasi
0