Iqtisod

Oʻzbekistonda bugʻdoy va un narxi pasayadi

© Sputnik / Ramiz BaxtiyarovLepeshka
Lepeshka - Sputnik Oʻzbekiston, 1920, 31.05.2022
Obuna boʻlish
Yandex newsTelegram
Un narxi oshmaydi, biroq poytaxtda “buxanka” non narxi biroz oshadi, deb prognoz qildi Moliya vazirligi.
TOSHKENT, 31 may — Sputnik. Un va bugʻdoy narxi pasayadi. Bu haqda Moliya vazirligi departament boshligʻi Toʻlqin Mirzayev AOKAda oʻtkazilgan matbuot anjumanida maʼlum qildi.
Uning aytishicha, hozir bozorlarda un narxining koʻtarilishi vaqtinchalik hodisa. Ukrainadagi vaziyat tufayli jahon bozoridagi holat va buning oqibatida import qilinadigan un narxining qimmatligi narxlarning oshishiga sabab boʻldi.
Ayni paytda respublikaning oʻz zaxiralari yetarli va yaqin kunlarda bozorda qoʻshimcha 50 ming tonna mahalliy un paydo boʻladi. Bu chora narxlarni barqarorlashtirishga yordam beradi, dedi Mirzayev.
U, shuningdek, qolipli non narxining oʻzgarishi kutilayotganini aytdi.
"Un narxini erkinlashtirish raqobat muhitini yaratadi. Narxlar koʻtarilmaydi, faqat Toshkent shahrida buxanka non narxining oʻzgarishi kutilmoqda. Bozorlarda esa aksincha, narxlarning pasayishi prognoz qilinmoqda”, - dedi Moliya vazirligi vakili.
Yangiliklar lentasi
0