Jamiyat

Koʻp xonadonli uy konstruktsiyasini oʻzgartirish uchun jarima belgilandi

© Sputnik / Yevgeniy Biyatov / Fotobankka oʻtishVыsotnыy dom, arxivnoye foto
Vыsotnыy dom, arxivnoye foto - Sputnik Oʻzbekiston, 1920, 01.06.2022
Obuna boʻlish
Yandex newsTelegram
Uylar konstruktsiyalarini noqonuniy oʻzgartirgan fuqarolar 9 mln soʻmgacha va mansabdor shaxslar esa 15 mln soʻmgacha jarima toʻlaydi.
TOSHKENT, 1 iyun — Sputnik. Koʻp kvartirali uylar konstruktsiyalarini noqonuniy oʻzgartirganlik uchun javobgarlik kuchaytirildi. Bu prezident tomonidan imzolangan OʻRQ–773-sonli qonun bilan Maʼmuriy javobgarlik toʻgʻrisidagi hamda Soliq kodekslariga kiritilgan oʻzgartirishlarda nazarda tutilgan.
Koʻp kvartirali uylarni boshqarish qoidalarini buzish mansabdor shaxslarga BHMning 15 baravari (4 mln 500 ming soʻm) miqdorida jarima solishga sabab boʻladi.
Koʻp kvartirali uylardagi tayanch va toʻsiq konstruktsiyalarni qonunchilikni hamda texnik jihatdan tartibga solish sohasidagi normativ hujjatlarni buzgan holda oʻzgartirish yoki rekonstruktsiya qilish jarima solishga sabab boʻladi. Shuningek, uylarda va unga tutash yer uchastkalarida oʻzboshimchalik bilan imoratlar (inshootlar) qurish ishlarini amalga oshirish ham taʼqiqlanadi.
Jarima miqdori quyidagicha:
fuqarolarga BHMning 30 baravarigacha (9 mln soʻmgacha);
mansabdor shaxslarga 50 baravarigacha (15 mln soʻmgacha).
Ushbu huquqbuzarlikni (toʻsiq konstruktsiyalarga oid qismida) birinchi marta sodir etgan shaxs, oʻzgarish oqibatlarini ixtiyoriy ravishda bartaraf etsa, javobgarlikdan ozod etiladi.
Maʼmuriy huquqbuzarlik toʻgʻrisidagi ishlar Uy-joy kommunal xizmat koʻrsatish vazirligi huzuridagi Koʻp kvartirali uy-joy fondidan foydalanish sohasini nazorat qilish inspektsiyasi tomonidan koʻrib chiqiladi.
Qonun bilan Soliq kodeksiga kiritilgan oʻzgartirishlarga koʻra:
- boshqaruvchi tashkilotlar yoki koʻp kvartirali uylarni boshqaruvchilar tomonidan umumiy mol-mulkni boshqarish, unga texnik xizmat koʻrsatish va uni taʼmirlash, shuningdek koʻp kvartirali uylarga tutash yer uchastkalarini obodonlashtirish boʻyicha koʻrsatilayotgan xizmatlar hamda bajarilayotgan ishlar boʻyicha aylanma soliq solishdan ozod etiladi;
- bu boʻyicha koʻrsatilgan xizmatlardan hamda bajarilgan ishlardan olingan mablagʻlar soliqqa tortilmaydi.
Yangiliklar lentasi
0