Dunyoda

Turkiyaga kirish qoidalari sezilarli darajada yumshatildi

© AP Photo / Francisco SecoTurtsiya
Turtsiya - Sputnik Oʻzbekiston, 1920, 01.06.2022
Obuna boʻlish
Yandex newsTelegram
Turkiya hukumati pandemiyaga qarshi kurash doirasida joriy etilgan PZR testi taqdim etish talabini bekor qildi.
TOSHKENT, 1 iyun - Sputnik. Bugun, 1 iyundan boshlab Turkiya PZR testi yoki antigen testi natijalarini taqdim etish talabini bekor qildi. Bu haqda RIA Novosti Turkiya Ichki ishlar vazirligi tarqatgan bayonotga tayanib, xabar berdi.
“Koronavirus pandemiyasi bilan bogʻliq holatni inobatga olgan holda, 1 iyundan boshlab mamlakatga barcha chegara punktlarida kirish uchun koʻpi bilan 72 soat oldin topshirilishi kerak boʻlgan PZR testi sertifikati yoki kirgandan keyin 48 soat ichida topshirilishi kerak boʻlgan tezkor antigenning salbiy natijasi talab qilinmaydi”, deyiladi bayonotda.
Turkiyada har kuni 1000 dan kam yangi koronavirus infektsiyasi holati qayd etilmoqda, shu munosabat bilan rasmiylar COVID-19 boʻyicha cheklovlarni tizimli ravishda olib tashlamoqda. Xususan, cheklovlarning aksariyati mart oyida bekor qilindi. 29 maydan boshlab Turkiyada niqob kiyish majburiy emas, bu qoida shifoxonalar uchun saqlab qolingan.
Avvalroq “Oʻzbekiston havo yoʻllari” milliy aviakompaniyasi Buxorodan Istanbulga parvozlarni yoʻlga qoʻygani, ular haftasiga ikki marta – yakshanba va payshanba kunlari amalga oshirilayotgani haqida xabar berilgan edi.
Aviakompaniya maʼlumotlariga koʻra, bugungi kunda “Oʻzbekiston havo yoʻllari” Toshkent, Samarqand, Fargʻona va Urganchdan Istanbulga muntazam qatnovlarni amalga oshirmoqda.
Yangiliklar lentasi
0