Iqtisod

Sardor Umurzakov boshchiligidagi Oʻzbekiston hukumati delegatsiyasi Moskvaga tashrif buyurdi

© Foto: MIVT UzbekistanaPravitelstvennaya delegatsiya Uzbekistana vo glave s zamestitelem premyer-ministra – ministrom investitsiy i vneshney torgovli Sardorom Umurzakovыm posetila Moskvu
Pravitelstvennaya delegatsiya Uzbekistana vo glave s zamestitelem premyer-ministra – ministrom investitsiy i vneshney torgovli Sardorom Umurzakovыm posetila Moskvu  - Sputnik Oʻzbekiston, 1920, 05.06.2022
Obuna boʻlish
Yandex newsTelegram
Delegatsiya Rossiyaning bir qator rasmiylari ikki davlat munosabatlarini yanada rivojlantirishning muhim jihatlari muhokama qildi.
TOSHKENT, 5 iyun — Sputnik. 3-4 iyun kunlari bosh vazir oʻrinbosari - investitsiyalar va tashqi savdo vaziri Sardor Umurzakov boshchiligidagi Oʻzbekiston hukumati delegatsiyasi Moskva shahriga tashrif buyurdi.
Ikki kunlik tashrif davomida Rossiyaning bir qator rasmiylari, xususan, Hukumat raisining oʻrinbosari Aleksey Overchuk, tashqi ishlar vaziri Sergey Lavrov hamda iqtisodiy rivojlanish vaziri Maksim Reshetnikov bilan uchrashuvlar boʻlib oʻtdi.
Uchrashuvlar chogʻida ikki tomonlama hamkorlikning bugungi holati, amaldagi kelishuvlarning hayotga joriy etilishi, shuningdek, Oʻzbekiston-Rossiya munosabatlarini yanada rivojlantirishning muhim jihatlari muhokama qilindi.
Investitsiyaviy, savdo-iqtisodiy, sanoat, transport va logistika hamkorligi masalalariga alohida eʼtibor qaratildi. Ikki davlat oʻrtasidagi oʻzaro manfaatli sheriklikni chuqurlashtirishning amaliy mexanizmlari boʻyicha mushtarak pozitsiyalar ishlab chiqildi.
Uchrashuv yakunida tomonlarni qiziqtirgan masalalarni hal qilishga qaratilgan navbatdagi tadbirlar boʻyicha takliflar almashildi. Oʻzaro munosabatlarning koʻrib chiqilgan barcha yoʻnalishlariga doir amaliy hamkorlik qilish yoʻllari toʻgʻrisida kelishib olindi.
Oʻtgan yil yakuni boʻyicha Oʻzbekiston va Rossiya oʻrtasidagi tovar ayirboshlash uchdan birga ortib, rekord daraja – 7,5 milliard dollarga yetgan. Joriy yil boshidan buyon tovar ayirboshlash hajmi 40 foizga oshgan.
Bugungi kunda Oʻzbekistonda Rossiya ishtirokida tashkil etilgan 2 mingdan ortiq qoʻshma korxona muvaffaqiyatli faoliyat yuritmoqda, Rossiyadan mamlakat iqtisodiyotiga jalb qilingan investitsiyalar hajmi 10 milliard dollardan ziyodni tashkil etmoqda.
Yangiliklar lentasi
0