Iqtisod

Moʻgʻulistondan goʻsht olib kelish yoʻlga qoʻyilishi mumkin

© Sputnik / Vladimir Pesnya / Fotobankka oʻtishMyaso, arxivnoye foto
Myaso, arxivnoye foto - Sputnik Oʻzbekiston, 1920, 06.06.2022
Obuna boʻlish
Yandex newsTelegram
Ikki mamlakat oʻrtasida oziq-ovqat va qishloq xoʻjaligi sohasida bir qator kelishuvlarga erishildi.
TOSHKENT, 6 iyun — Sputnik. Oʻzbekiston va Moʻgʻuliston orasida oziq-ovqat va qishloq xoʻjaligi mahsulotlari yetkazib berish hajmi oshiriladi. Bu haqda Qishloq xoʻjaligi vazirligi xabar berdi.
Qishloq xoʻjaligi vaziri oʻrinbosari Alisher Toʻrayev hamda Moʻgʻuliston tashqi ishlar vaziri oʻrinbosari Batsumber Munxjin bilan boʻlib oʻtgan uchrashuvda bir qator kelishuvlarga erishildi:
Moʻgʻulistondan goʻsht va goʻsht mahsulotlari yetkazib berish hajmini oshirish;
Oʻzbekiston va Moʻgʻulistonning oʻzaro savdo va qoʻshma loyihalarini yoʻlga qoʻyishda hamkorlik qilishdan manfaatdor korxonalar roʻyxatini tuzish;
Bogʻdorchilik va issiqxonalarni rivojlantirish boʻyicha Oʻzbekiston tajribasini oʻrganish boʻyicha ikki davlat ilmiy idoralari oʻrtasida hamkorlikni yoʻlga qoʻyish.
Uchrashuvda shuningdek, Batsumber Munxjin mamlakatlar oʻrtasidagi savdo-sotiqning yangi yoʻlagi sifatida charter reyslarini yoʻlga qoʻyish taklifini bildirdi.
Qolaversa, Oʻzbekiston Tashqi ishlar vazirligi rahbariyati bilan Hukumatlararo komissiya tuzish va uning birinchi majlisini shu yilning ikkinchi yarmida oʻtkazish boʻyicha kelishuvga erishilganini aytib oʻtdi.
Maʼlumot uchun, Moʻgʻulistonda chorvachilik agrar sektorning eng rivojlangan tarmogʻi hisoblanadi. Hozirda mamlakatdagi yirik va mayda qoramollarning soni 70 mlnga teng.
Yangiliklar lentasi
0