Jamiyat

Bundan buyon kimlar oʻqishni koʻchirishi mumkinlini maʼlum boʻldi

Student - Sputnik Oʻzbekiston, 1920, 07.06.2022
Obuna boʻlish
Yandex newsTelegram
Bu yil 150 ming talaba oʻqishini koʻchirishi prognoz qilingan.
TOSHKENT, 7 iyun — Sputnik. Bu yildan oʻqishni koʻchirishga faqat 2 toifadagi talabalarga ruxsat beriladi. Bu haqda Oliy va oʻrta maxsus taʼlim vaziri Abduqodir Toshqulov Qonunchilik palatasining navbatdagi yalpi majlisida maʼlum qildi.
Aytilishicha, endilikda talabalar turmush qursa yoki davlat xizmatchisining ishi boshqa joyga oʻtsagina oʻqishini koʻchirishi mumkin boʻladi.
“Talaba oʻz maqsadini 1 kursdan belgilab olishi kerak. Oʻtgan yili oʻqishni koʻchirish buyicha talabalar tomonidan 60 mingta hujjat topshirilgan. Bu yil esa 150 ming talaba oʻqishini koʻchirishi prognoz qilingan edi. Bu narsaga barham berilmoqda. Talaba diplomni faqat bir joydan olishi kerak”, deydi Abduqodir Toshqulov.
Oʻqishni koʻchirishda vazir xati talab etiladi. Boshqa toifalardagi talabalarga hech qaysi holatda oʻqishini koʻchirishga ruxsat berilmaydi.
Shuningdek, vazir oʻz soʻzida taʼlim tizimidagi korruptsiya asosan oʻqishni koʻchirish jarayonlarida kuzatilayotganini ham qayd etib oʻtdi.
Yangiliklar lentasi
0