Jamiyat

Oʻzbekiston fuqarolari uchun Rossiyada roʻyxatdan oʻtish muddati uzaytirildi

© Sputnik / Yekaterina ChesnokovaPokrovskiy sobor i Spasskaya bashnya Kremlya.
Pokrovskiy sobor i Spasskaya bashnya Kremlya. - Sputnik Oʻzbekiston, 1920, 08.06.2022
Obuna boʻlish
Yandex newsTelegram
Oʻzbekiston va Rossiya fuqarolarni roʻyxatga olish muddatini oʻzaro 15 kungacha uzaytirishdi.
TOSHKENT, 8 iyun — Sputnik. Oʻzbekiston fuqarolari endi Rossiya Federatsiyasi hududida roʻyxatdan oʻtmasdan 15 kun davomida yashashi mumkin. Xuddi shu shart Oʻzbekistondagi Rossiya fuqarolariga ham tegishli. Bu haqda “Dunyo” axborot agentligi xabar berdi.
Oʻzbekiston va Rossiya hukumatlari oʻrtasida imzolangan bitim 4 iyundan rasman kuchga kirgan.
“Mazkur bitimning 1-moddasiga muvofiq bir tomonning boshqa davlat hududida vaqtincha yashovchi fuqarolari 15 kun ichida kiruvchi davlatning vakolatli organlarida roʻyxatdan oʻtish (yashash joyi boʻyicha roʻyxatga olish) majburiyatidan ozod qilinadi”, deyiladi xabarda.
Vaqtinchalik boʻlish muddati bir tomon davlati fuqarosi boshqa tomon davlati hududiga kirgan kundan boshlab hisoblanadi. Unga boshqa tomon davlati hududiga kirishda chegara nazorati organlari tomonidan muhrlangan migratsiya kartasi (yoki davlat roʻyxatidagi tegishli muhr bilan tasdiqlangan pasport) beriladi.
Maʼlumot uchun, avvalgi tartibga koʻra, Oʻzbekiston fuqarolari yetti kun ichida, Oʻzbekistondagi rossiyaliklar esa uch kun ichida roʻyxatdan oʻtishi shart boʻlgan.
Rossiya IIVga koʻra, yangi qoidalar Rossiyaga kelayotgan Oʻzbekiston fuqarolari sonining koʻpayishiga va migratsiya nazorati samaradorligining pasayishiga olib kelmaydi.
Hozirgi kunda Belarus, Qozogʻiston, Qirgʻiziston, Tojikiston va Armaniston fuqarolariga migratsiya roʻyxatidan oʻtish uchun 15 kunlik muddat belgilangan.
Yangiliklar lentasi
0