Iqtisod

Oʻzbekistonda xorijiy korxonalar soni boʻyicha Rossiya yetakchilik qilmoqda

© Sovet Federatsii RFVstrecha Valentinы Matviyenko s Predsedatelem Senata Oliy Majlisa Respubliki Uzbekistan Tanziloy Narbayevoy
Vstrecha Valentinы Matviyenko s Predsedatelem Senata Oliy Majlisa Respubliki Uzbekistan Tanziloy Narbayevoy - Sputnik Oʻzbekiston, 1920, 13.06.2022
Obuna boʻlish
Yandex newsTelegram
Ayni vaqtda Rosiya tadbirkorlari kapitali ishtirokida 2 565 ta korxona faoliyat yurityapti.
TOSHKENT, 13 iyun — Sputnik. 1 iyun holatiga koʻra, Oʻzbekistonda xorijiy kapital ishtirokida faoliyat koʻrsatayotgan korxonalar soni eng yuqori boʻlgan davlatlar orasida Rossiya yetakchilik qilmoqda. Bu haqoʻda Davlat statistika qoʻmitasi matbuot xizmati xabar berdi.
Qayd etilishicha, ayni vaqtda Rosiya tadbirkorlari kapitali ishtirokida 2 565 ta korxona faoliyat yurityapti. Keyingi oʻrinlardan 2 013 ta korxonaga ega Turkiya va 2 003 ta korxonaga ega Xitoy joy oldi.
Xorijiy kapital ishtirokida faoliyat koʻrsatayotgan korxonalar soni boʻyicha Qozogʻiston (1 140 ta) va Koreya (900 ta) ham kuchli beshtalikdan joy olgan.
Statqoʻmga koʻra, 1 iyun holatiga respublikada roʻyxatdan oʻtgan xorijiy kapital ishtirokidagi korxona va tashkilotlar soni 14 566 tani tashkil etib, ulardan 14 119 tasi faoliyat yuritmoqda.
Xorijiy kapital ishtirokidagi korxonalar soni oʻtgan yilning mos davriga nisbatan 1 465 taga oshgan.
Oʻtgan yil yakuni boʻyicha Oʻzbekiston va Rossiya oʻrtasidagi tovar ayirboshlash uchdan birga ortib, rekord daraja – 7,5 milliard dollarga yetgan. Joriy yil boshidan buyon tovar ayirboshlash hajmi 40 foizga oshgan.
Bugungi kunda Oʻzbekistonda Rossiya ishtirokida tashkil etilgan 2 mingdan ortiq qoʻshma korxona muvaffaqiyatli faoliyat yuritmoqda, Rossiyadan mamlakat iqtisodiyotiga jalb qilingan investitsiyalar hajmi 10 milliard dollardan ziyodni tashkil etmoqda.
Yangiliklar lentasi
0