Iqtisod

Birjada shakar narxi barqarorlashdi

© Sputnik / Pavel Lisitsыn / Fotobankka oʻtishSaxar
Saxar - Sputnik Oʻzbekiston, 1920, 14.06.2022
Obuna boʻlish
Yandex newsTelegram
Birjada shakarning barcha kategoriyasi boʻyicha shakllangan oʻrtacha kunlik narxi mahsulotning bir tonnasi uchun 14 554,5 ming soʻmdan 10 754,9 ming soʻmgacha pasaygan.
TOSHKENT, 14 iyun — Sputnik. 10-14 iyunda oʻtkazilgan ochiq birja savdolari natijalariga koʻra, shakarning barcha kategoriyasi boʻyicha shakllangan oʻrtacha kunlik narxi avvalgi savdo kuniga nisbatan 26,1% ga pasaydi. Bu haqda Oʻzbekiston Respublika tovar-xomashyo birjasi matbuot xizmati xabar berdi.
Qayd etilishicha, birjada shakarning barcha kategoriyasi boʻyicha shakllangan oʻrtacha kunlik narxi mahsulotning bir tonnasi uchun 14 554,5 ming soʻmdan 10 754,9 ming soʻmgacha, yaʼni 26,1% ga pasaygan.
10-14 iyun kuni oʻtkazilgan ochiq birja savdolariga jami 6 004 tonna shakar qoʻyilgan boʻlib, hammasi sotilgan. Bunda, birja savdolari orqali “Xorazm shakar” MCHJ tomonidan 3 000 tonna va “Angren shakar” MCHJ tomonidan 3 004 tonna shakar sotilgan.
“Shakarni birjada xarid qilishda talab darajasidan kelib chiqqan holda, hududlar oʻrtasida mutanosib taqsimot shakllanmoqda”, - deyiladi xabarda.
Eslatib oʻtamiz, shakarga boʻlgan talabning mavsumiy oshishi sharoitida birja savdolariga chiqariladigan shakar hajmi iyun oyidan boshlab 50 foizgacha oshirilagan edi.
Yangiliklar lentasi
0