Madaniyat

Oʻzbekistonlik talabalar “Katta Oltoy” magistraturasida tahsil olishlari mumkin

© NOTS "Bolshoy Altay" AltGUMagistratura v AltGU
Magistratura v AltGU - Sputnik Oʻzbekiston, 1920, 18.06.2022
Obuna boʻlish
Yandex newsTelegram
OltDUda 2022 yilda ijtimoiy, iqtisodiy, raqamli texnologiyalar va turkiyshunoslik kabi yoʻnalishlar boʻyicha 5ta magistrlik dasturlariga qabul ochiladi.
TOSHKENT, 18 iyun - Sputnik. Rossiyaning Sibir oʻlkasida joylashgan eng yirik universiteti 17 iyundan boshlab “Markaziy Osiyoda fazoviy tahlil va atrof-muhitni boshqarish” magistrlik dasturiga hujjatlar qabulini eʼlon qiladi. Yangi oʻquv yili uchun 15 ta, jumladan 10 ta byudjet oʻrinlari ajratilgan. Bu haqida Oltoy Davlat universitetining Oltoyshunoslik va turkiyshunoslik ilmiy-taʼlim markazining matbuot xizmati xabar berdi.
“Oʻzbekistonning agrosanoat ishlab chiqarishida yerdan oqilona foydalanish muammolari muhim hisoblanadi. Maʼlumki, agroekotizimlar koʻplab salbiy omillarga: qurgʻoqchilik, shoʻrlanish, suv va shamol eroziyasiga uchragan. Shu sababli yer resurslari holatini muntazam monitoring qilib borish zarur”,- deydi Samarqand universitetining katta oʻqituvchisi Rasuljon Mamajonov.
© NOTS "Bolshoy Altay" AltGUMagistratura v AltGU
Magistratura v AltGU - Sputnik Oʻzbekiston, 1920, 18.06.2022
Magistratura v AltGU
Taʼlim dasturi fazoviy tahlil, atrof-muhitni boshqarish, muhofaza qilish, atrof-muhit holatini baholash va prognozlash sohasida mutaxassislar tayyorlashga moʻljallangan. Boʻlajak magistrlar korxonalarda, tashkiliy-boshqaruv va mutaxassislik-tahliliy ishlari bilan shugʻullanishlari mumkin.
“Magistratura bir qancha ilmiy sohalarni birlashtiradi: geoinformatsion tahlil, axborot texnologiyalari, kartografiya va bonitet. Ushbu soha mutaxassislari respublikaning ilmiy, taʼlimiy va ishlab chiqarish tashkilotlarida muvaffaqiyatli faoliyat yuritishlari mumkin”, - deb qoʻshimcha qiladi Mamajonov.
Oʻqish davomida bozorda endigina paydo boʻlayotgan raqamli texnologiyalardan foydalaniladi. Shuning uchun, talabalarda nafaqat eng yangi geodezik dronlar yordamida qishloq xoʻjaligi yerlarini inventarizatsiyalashni oʻz koʻzlari bilan koʻrish, balki mustaqil ravishda “parvoz qilib” va soʻngra zamonaviy dasturiy taʼminotdan foydalangan holda yerdan haqiqiy foydalanishni sifatli tahlil qilish imkoniyatlariga ham ega boʻladilar.
“Bizga hudud rivojini bir nechta rakursdan: tabiat, iqlim, landshaft, ekologiya va undan kam taʼsirga ega boʻlmagan iqtisodiyot omillari tomonidan koʻrib chiqadigan mutaxassislar kerak. Aynan shuning uchun dasturda katta qism Oltoy davlat universitetining Xalqaro iqtisodiyot va axborot tizimlari instituti tomonidan amalga oshirilayotgan fanlarga qaratilgan”,- deydi magistrlik dasturi rahbari, qishloq xoʻjaligi fanlari nomzodi, iqtisodiy geografiya va kartografiya kafedrasi dotsenti Olga Latыsheva.
Shuningdek, magistrlar “Turistik va rekreatsion korxonalar hududini loyihalash” va “Katta oltoy va Markaziy Osiyo mintaqalarini rivojlantirishning fazoviy rejalashtirish kontseptsiyasi loyihasi” kabi mintaqaviy miqyosdagi haqiqiy loyihalarda ishtirok etish imkoniyatlariga ega boʻlishadi.
© NOTS "Bolshoy Altay"Magistratura v AltGU
Magistratura v AltGU - Sputnik Oʻzbekiston, 1920, 18.06.2022
Magistratura v AltGU
“Taʼlim dasturi L.N.Gumilev nomidagi Yevroosiyo milliy universiteti bilan hamkorlikda amalga oshirilmoqda, shuning uchun talabalar taʼlim olishni tamomlaganda ikkita diplom olishlari mumkin”, - deydi Latыsheva.
Magistrlik dasturi uchun bir nechta usulda: “Abituriyent AltGU” sayti orqali onlayn, pochta xizmati, shaxsan (yoki vakil orqali) OTMning Barnauldagi qabul komissiyasiga hujjat topshirish mumkin.
Byudjet oʻrinlari uchun oʻtkaziladigan koʻrik-tanlovda Oʻzbekiston fuqarolari oʻzlarining “Vatandosh” maqomini (Rossiya qonunchiligiga koʻra) tasdiqlaganlaridan soʻng ishtirok etishlari mumkin. Shuningdek, abituriyentlar magistraturaga toʻlov asosida ham qabul qilinadi.
“Markaziy Osiyoda fazoviy tahlil va atrof-muhitni boshqarish” magistratura dasturi Rossiya Fan va oliy taʼlim vazirligi koʻmagida “Katta Oltoyning turkiy olami: tarix va hozirgi zamondagi oʻxshashlik va turfa-xilliklar” loyihasi doirasida amalga oshirilmoqda.
Shuningdek, 2022 yilda “Katta Oltoy” loyihasi doirasida yana beshta: “Katta Oltoy mediamakonining ijtimoiy xavfsizligi, “Turkiy olamning etnomadaniyatshunosligi: amaliy-art va kreativ sanoat”, “Markaziy Osiyodagi transchegaraviy savdo-sotiq: menedjment va marketing”, “Shimoliy va Markaziy Osiyo mintaqalarining barqaror rivojlanishi uchun raqamli maʼlumotlarni tahlil qilish texnologiyalari va “Turkiyshunoslik” yoʻnalishlari boʻyicha magistrlik dasturlariga qabul ochiladi.
© NOTS "Bolshoy Altay"Magistratura v AltGU
Magistratura v AltGU - Sputnik Oʻzbekiston, 1920, 18.06.2022
Magistratura v AltGU
Yangiliklar lentasi
0