Sport

Qoʻl jangi sport turiga boʻlgan eʼtibor yanada kuchaytiriladi

© Sputnik / Anton Denisov / Fotobankka oʻtishArmeyskiy rukopashnыy boy. Matchevaya vstrecha po boyevыm iskusstvam "Bitva Chempionov IV"
Armeyskiy rukopashnыy boy. Matchevaya vstrecha po boyevыm iskusstvam Bitva Chempionov IV - Sputnik Oʻzbekiston, 1920, 20.06.2022
Obuna boʻlish
Yandex newsTelegram
Qoʻl jangi bilan shugʻullanib kelayotgan yoshlar va harbiy xizmatchilar soni 10 ming nafardan ortdi.
TOSHKENT, 20 iyun — Sputnik. 2023 yildan boshlab qoʻl jangi sport turini yanada rivojlantirish maqsadida Namangan, Qarshi, Samarqand va Buxoro shaharlarida xalqaro turnirlar tashkil etiladi.
Bu haqda 20 iyun kuni prezident tomonidan qabul qilingan qarorda nazarda tutilgan.
Mazkur hujjat qoʻl jangi sport turini yanada ommalashtirish, soha uchun moddiy-texnik bazani mustahkamlash hamda malakali kadrlar, trenerlar va hakamlar tayyorlashga boʻlgan eʼtiborni yanada kuchaytirish maqsadida qabul qilindi.
Qoʻl jangi sport turini rivojlantirishning asosiy yoʻnalishlari:
qoʻl jangi boʻyicha tizimli ravishda musobaqalar oʻtkazish hamda iqtidorli sportchilarni aniqlash, tanlash va saralash (selektsiya);
qoʻl jangini yanada ommalashtirish, bu borada yoshlarni sport klublari, sektsiyalari va toʻgaraklariga keng jalb etish hamda shu orqali sportchilarning jinoyatlarni sodir etish va jinoiy guruhlarga qoʻshilib ketishining oldini olish;
qoʻl jangi boʻyicha professional trenerlar, malakali hakamlar va mutaxassislarni tayyorlash tizimini rivojlantirish, oʻquv-uslubiy qoʻllanmalar ishlab chiqish;
qoʻl jangi bilan shugʻullanish uchun zarur moddiy-texnik baza va infratuzilmani shakllantirish;
qoʻl jangini ham ustuvor sport turi sifatida Qurolli Kuchlar va huquqni muhofaza qilish organlarining jismoniy tayyorgarlik mashgʻulotlariga bosqichma-bosqich kiritish;
qoʻl jangini Qurolli Kuchlar xizmatchilari va huquqni muhofaza qilish organlari xodimlari hamda aholi oʻrtasida, shu jumladan, ommaviy axborot vositalari orqali keng targʻib qilish.
2023 yildan boshlab anʼanaviy tarzda qoʻl jangi boʻyicha sport turnirlari oʻtkaziladi:
har yili Toshkentda 14 yanvar ‒ Vatan himoyachilari kuniga bagʻishlangan Qurolli Kuchlar chempionatini hamda oʻz xizmat vazifasini bajarish chogʻida qahramonlik va jasorat koʻrsatib, halok boʻlgan harbiy xizmatchilar va xodimlar xotirasiga bagʻishlangan Xotira turniri.
har yili Namangandaprofessional sportchilar oʻrtasida “Oʻzbekiston Respublikasi Prezidenti kubogi” xalqaro turniri.
har ikki yilda bir marotaba Qarshi, Samarqand va Buxoro shaharlarida yoshlar oʻrtasida “Amir Temur kubogi” xalqaro turniri.
Hozirda qoʻl jangi boʻyicha 10 ming nafardan ortiq yoshlar va harbiy xizmatchilar (xodimlar) sport mashgʻulotlari bilan muntazam shugʻullanib kelmoqda.
230 nafar Oʻzbekiston sport ustalari va 60 nafar Xalqaro toifadagi Oʻzbekiston sport ustalari yetishib chiqqan.
Oʻzbekiston huquqni muhofaza qilish organlarining Qoʻl jangi federatsiyasi respublikaning huquqni muhofaza qilish organlari va “Dinamo” jismoniy tarbiya sport jamiyati tashabbusi bilan tashkil etilgan.
Qolaversa, bu sport MDH mamlakatlari orasida har yili oʻtkaziladigan “Armiya oʻyinlari” dasturiga kiritilgan.
Yangiliklar lentasi
0