Dunyoda

KNB Ukrainaning yanvar voqealariga aloqadorligini tekshiradi

© Depositphotos / StevanovicigorBezlikiy anonimnыy xaker v kapyushone
Bezlikiy anonimnыy xaker v kapyushone - Sputnik Oʻzbekiston, 1920, 22.06.2022
Obuna boʻlish
Yandex newsTelegram
Qozogʻiston Xavfsizlik xizmati yanvar voqealariga Ukraina maxsus axborot boʻlinmalarining ishtirok etganini tekshiradi.
TOSHKENT, 22 iyun - Sputnik. Qozogʻiston Milliy xavfsizlik qoʻmitasi Ukraina “trollar fabrikasi”ning Qozogʻistonda yanvar oyida sodir boʻlgan tartibsizliklarga aloqadorligini tekshiradi. Bu haqda RIA Novosti agentligiga KNB raisi oʻrinbosari Askar Amerxanov maʼlum qildi.
“Tergov barcha yoʻnalishlarda olib borilmoqda. Biz barcha maʼlumotlarni sinchiklab tekshiramiz. Hammasi aniq boʻlganidan soʻng izoh beramiz”, - dedi Amerxanov.
Eslatib oʻtamiz, biroz oldin, ismini sir tutgan RaHDIt xakerlar guruhi vakili 2022 yil boshida Qozogʻistonda norozilik namoyishlarini uyushtirishda Ukraina harbiy 83-axborot va psixologik operatsiyalar markazi (TSIPsO, Odessa) ishtirok etgani haqida maʼlum qilgan edi.
Xaker aytishiga koʻra, Ukrainada jami toʻrtta shunga oʻxshash markaz yaratilgan: Odessadagi 83-markaz, Kiyev viloyatining Brovari shahrida 72-markaz (asosiy), Lvovda 74 va Jitomir viloyatida 16-markaz.
“24 fevralgacha bu markazlarning barchasi muvaffaqiyatli ishlagan. 83-markaz Qozogʻistonda norozilik namoyishlari uyushtirishga jalb qilingan. Qanchalik muvaffaqiyatli yoki muvaffaqiyatsizligi boshqa masala. Lekin bunda ularning qoʻli borligiga dalillar bor”, - deydi xaker.
Maʼlumot uchun, Rossiya Ukrainada maxsus operatsiyasi boshlanganidan soʻng RaHDIt guruhi Ukraina hukumatiga doir 755 ta veb-saytlarini buzib kirganini daʼvo qilgan edi. Shuningdek, guruhga taaluqli boʻlgan “Nemezida” axborot resursida 1 iyun kuni Ukraina Xavfsizlik xizmatining 700 ga yaqin xodimi fotosuratlari, telefon raqamlari va yashash manzillari haqida maʼlumotlar tarqatilgan edi. Ularning haqiqiyligini RIA Novostiga Rossiya maxsus xizmat xodimlaridan biri tasdiqlagan edi.

Qozogʻistondagi tartibsizliklar

Eslatib oʻtamiz, 2022 yil yanvar oyi boshida Qozogʻistonning bir necha shaharlarida ommaviy tartibsizliklar boʻlib oʻtgan edi. Ularda ishtirok etganlar politsiya va harbiylarga hujum qilishdi.
Prezident Qasim-Jomart Toqayev buni davlat toʻntarishiga urinish deb atab, KXSHTga yordam soʻrab murojaat qildi. Rossiya va KXSHTga aʼzo boʻlgan boshqa davlatlar zudlik bilan Qozogʻistonga xavfsizlik kuchlarni yuborgan va ular muhim ijtimoiy obʼyektlarni qoʻriqlashga jalb etilgan edi. 7 yanvarga kelib vaziyatni izga solishga erishildi, 19 yanvar kuni butun mamlakat boʻylab joriy qilingan favqulodda holat bekor qilindi. Hukumat maʼlumotlariga koʻra, bu voqealar natijasida 230 kishi halok boʻlgan, 4,5 mingdan ziyod kishi jabrlangan.
Yangiliklar lentasi
0